Нууц мэдээллийн уурхай

Диана де Зойса гэдэг энэхүү 61 настай британи хатагтай зургаан жилийн өмнө Шри-Ланкад аялалаар ирээд буусан зочид буудлынхаа үйлчлэгч залууд ухаангүй дурласан гэнэ. 26-тай Приянджанай нь нутгийн энэтхэг удмын лакх хэмээх овгоос гаралтай аж. Танилцаж амрагласнаасаа хойш Англидаа ирсэн ч цахим захидлаар байнга харилцах болжээ.

Ингээд хоёр жилийн өмнө Диана байшингаа зарж хадгаламжтайгаа нийлүүлэн 100 мянган фунттайгаар Шри-Ланкад амьдрахаар залуу амраг дээрээ иржээ. Тэд хуримаа Ахунгала гэдэг наран шарлагын газар хийж Приянджанайгийн сууринд амьдрах болжээ.

Нөхөр нь зочид буудлын ажлаасаа гарч эхнэрийнхээ мөнгөөр такси худалдан авч хувиараа ажиллах эхэлжээ. Удалгүй Диана нөхөр нь өөрийнхөө нэрээр бус харин үл мэдэгдэх эмэгтэй хүний нэрээр жолооны үнэмлэх, машин авсаныг мэджээ. Удалгүй хамтын дансанд байсан бүх мөнгө нь алга болсон байжээ. Банкны мэдэгдсэнээр нөхөр нь аваад явсан гэнэ. Гэсэн ч ахимаг англи эмэгтэйн итгэл мөнгө хоёроор тоглосон түүнийг бурхан цээрлүүлсэн байжээ.

Мөнгө алга болсоноос хойш үзэгдэхгүй байсан нөхрийх нь цогцос хотын захаас олджээ. Түүнийг буудан алсан байсан гэнэ. Цагдаагийн газрын мэдэгдсэнээр эхнэрээсээ их хэмжээний мөнгө хуурч авсан нөхөр нь өөрөө эргээд гэмт этгээдүүдийн заналхийлэлд өртсөн байна. Тэд залуу энэтхэг эрийг буудаж алаад мөнгийг нь аваад алга болжээ. Ийнхүү насны эцэст үлгэрийн мэт хайранд умбах гэсэн ахимаг англи хатагтай харийн нутагт нөхөр ч үгүй мөнгө ч үгүй хоцорчээ. Өдгөө Английн ЭСЯ түүнийг буцаах талаар арга хэмжээ авах гэнэ.
 

НУУЦ.мн