Аавыгаа унаатай, ээжийгээ алтан шүдтэй болгох гэсэн зургаан хүүхэд “Порше”машин, 200 мянган доллар хулгайлжээ
Нийтэлсэн: 2017-06-29 07:34:04
.jpg)
Америкийн Флорида мужийн цагдаа машин хулгайлсан, орон байранд нэвтэрч бэлэн мөнгө эд зүйл хулгайлсан хэргээр хамаатан садны зургаан хүүхдийг баривчилсан тухай The Daily Mail-д мэдээлжээ. Хоорондоо үеэлүүд болох тэдгээр 14-16 насны хүүхдүүд эцэг эхийн хамт Форт-Лодердейле хотод амьдардаг. Сент-Луйси хотын шерифийн мэдээлснээр хамаатны зургаан өсвөр насны хүү өнгөрсөн 4-р сарын 27-нд Норт-Хатчинсон аралд байдаг чинээлэг иргэний гэрээс сейфэнд бэлнээр байсан 200 мянган доллар болон 2014 онд үйлдвэрлэгдсэн "Porsche Cayman" тансаг загварын машиныг нь хулгайлжээ.
.jpg)
Өсвөр насны хулгайчдыг халуун мөрөөр нь шахуу баригджээ. Мөрдөн байцаалтын явцад тэд өмнө нь хэд хэдэн хулгай хийсэн нь тогтоогджээ. Мөн Hyundai Santa Fe загварын машин хулгайлаад нуусан байсан нь илэрчээ. Гайхалтай нь тэд хулгайлсан мөнгө машинаа эцэг эхдээ өгч байсан байна.
.jpg)
Хамгийн сүүлд хулгайлсан 200 мянган долларыг хуваан аваад нэг хүү нь ээждээ 11 мянган доллароор алтан шүд хийлгэж өгчээ. Ээж нь алтан шүдтэй болохыг мөрөөддөг байсан гэнэ. Бас нэг хүүхэд 10 мянган доллароор эгчдээ алтан зүүлт худалдан авч бэлэглээд ээждээ 80 мянган доллароор “Dodge Challenger Hellcat” загварын машин худалдан авч өгчээ. Өөр нэг хүү аавдаа 2009 онд үлйдвэрлэсэн 25 мянган долларын үнэтэй “Mercedes C300” авч өгчээ. Дээрмийн бүлгийн өөр нэг гишүүн нь ээждээ “Audi A4” худалдаж авч өгсөн бол бас нэг хүүхэд ээждээ бэлнээр 40 мянган доллар өгсөн байжээ.
НУУЦ.мн
