Э.Мөнх-Очирын санаачилгаар эхлүүлсэн Туркийн тусламжаар баригдах эмнэлгийн шав тавих ёслол боллоо
.jpg)
Одоогоос хоёр жилийн өмнө Туркийн Истанбул хотод суух Ерөнхий консул Э.Мөнх-Очир тус хотын даргатай уулзахдаа Истанбул хотын хөрөнгө оруулалтаар буюу “Tика” төслийн буцалтгүй тусламжаар Улаабаатар хотод 10 жишиг өрхийн эмнэлэг барих санаачилга гаргасан юм. Улмаар энэ төслийг ажил хэрэг болгох ажиллагааг цаг хугацаа алдалгүйгээр идэвхтэй явуулсан. Энэ ажлын үр дүн гарч төслийн дагуу баригдах анхны өрхийн жишиг эмнэлгийн барилгын шавь тавих ёслол Чингэлтэй дүүргийн 17-р хороонд боллоо. Ёслолын үйл ажиллагаанд УИХ-ын гишүүн Д.Ганболд, нийслэлийн Засаг даргын Нийгмийн асуудал хариуцсан Ш.Анхмаа, “Тика” хөтөлбөр зохицуулагч Өмэр Гүндогду, нийслэлийн Эрүүл мэндийн газрын дарга Л.Төмөрбаатар, дүүргийн Засаг дарга Ж.Эрдэнэбат ИТХ-ын төлөөлөгчид, Эрүүл мэндийн төв, ӨЭМТ-ийн эмч, ажилтан, иргэдийн төлөөлөл оролцжээ.
.jpg)
Нийслэлийн Засаг даргын Нийгмийн асуудлыг хариуцсан орлогч Ш.Анхмаа “Азийн хөгжлийн банкны санхүүжилтээр 10, БНТУ-ын Истанбул хотын буцалтгүй тусламжаар 10 өрхийн эмнэлгийн барилга барих юм. Өнөөдрийн хувьд Сүхбаатар, Чингэлтэй дүүргийн 17 дугаар хороонд жишиг өрхийн эмнэлгийн барилгын ажлын шав тавих ёслол болж байна. Нийслэлийн хэмжээнд нийт 142 өрхийн эмнэлэг үйл ажиллагаа явуулдаг. Эдгээрийн дийлэнх нь өөрийн гэсэн байргүй” хэмээн онцолсон. Истанбул хотын хөрөнгө оруулалтаар буюу “Тика” олон улсын байгууллагийн буцалтгүй тусламжаар нийслэлийн алслагдсан хороод болох Сүхбаатар дүүргийн 17 дугаар хорооны “Увидаст од”, Чингэлтэй дүүргийн 17 дугаар хорооны “Мөнх үйлстэн” ӨЭМТөв, Налайх дүүргийн 1,7 дугаар хорооны “Нарны элч” ӨЭМТөвийн барилгыг барихаар шийдвэрлэжээ. Өнгөрсөн 4-р болсон Турк улсын Истанбул хотын даргын айлчлалын үеэр хотын дарга С.Батболд болон Истанбул хотын Хурлын Төлөөлөгч, Захирагчийн ахлах зөвлөх Хакки Турунч нар нь Турк улсын буцалтгүй тусламжаар барих 9 өрхийн эмнэлэг, нэг диализийн төвийн төслийг санаачилж хэрэгжүүлэхэд нь голлон ажилласан Истанбул хотод суух Ерөнхий консул Э.Мөнх-Очирт талархал илэрхийлж байсан билээ.
НУУЦ.мн
