Хулгай орсон гэртээ бичлэг хийж байсан эр хулгайчийг унтлагын өрөөнд нь унтаж байхыг бичиж авчээ
Нийтэлсэн: 2017-06-22 22:32:08
.jpg)
Энэ бичлэг өдгөө Redditt-д хандалт ихтэй байна. Жефф Холлбрук гэдэг эрийг ажлаар хонуутаар яваад ирэхэд нь байшингийн хаалгыг нь цөм цохисон байсан гэнэ. Гэрт нь хулгай орсон нь илт агаад хамаг эд хогшлыг нь ундуй сундуй болгосон байжээ. Сэрэмжтэй эр цагдаа дуудаад энэ зуур бичлэг хийж эхэлжээ. Бичлэгээ хийсээр хоёр давхарт гарч унтлагын өрөөнд ороод гэрийг нь ухсан хулгайч орон дээр нь унтаж байхыг хараад мэл гайхжээ. Жеф сэрээлгүй бичлэгээ хийн цагдаа ирэхийг хүлээжээ. Цагдаа ирээд шууд баривчилжээ. Бүх зүйл нойрны эмнээс болсон гэнэ. Шөнөжин ухах айл хайн нойргүй бидэрсэн хулгайчийн толгой өвдөөд байсан хэмээн мэдүүлжээ. Жеффийн байшинд өрөөнд эмийн хайрцгаас нь толгойны эм олоод уусан нь үнэндээ нойрны эм байж таарчээ. Ингээд л бүх хувцсаа тайлан оронд нь ороод шууд хурхирч гарчээ. Унтаж байсан хулгайчийг олсон нь бичлэгийн 4,20 минутаас эхэлнэ.
НУУЦ.мн
