Нууц мэдээллийн уурхай

Дубай нь дэлхийн саятан тэрбумтнуудын диваажин дээд зиндааныхны амралтын газар гэдэг. Шейх Мухаммедийн мэдэгдсэнээр түүний улсад авлигал үгүй гэнэ. Гэсэн ч энэ аварга хот авлигалд бүрэн идэгдсэнийг алхам тутамдаа харж болно.
Дубайд одоо ч эрүүдэн шүүдэг

Энэ улсын шоронд ямар хууль дүрэм үйлчилдэггүй. Ядуу орон байтугай баян Европ, хүчирхэг Америкийн иргэд ч зодуулж нүдүүлдэг. 2012 онд Английн Карл Уйльямс гэдэг иргэн Дубайн шоронд учир битүүлгээр үхсэн. Түүнийг хар тамхины хэрэгт буруутган хориод улмаар зодож алжээ. Leeds United багийн дасгалжуулагчаар ажиллаж байгаад мөнгө угаасан хэргээр шоронд суугаад гарсан  Дэвид Хей эрүүдэн шүүсэн тамлан зовоосон хэмээн заргалдсан ч ямар ч үр дүнд хүрээгүй.
Авлигалын хэмжээ жилд нэг их наяд доллароор хэмжигддэг

Энэ тоог Дубайн шейх Мухаммед ам алдаж хэлсэн. Гэхдээ түүнийг нэлээд багасгасан тоо хэлсэн гэж үздэг.
Дубай боолын хөдөлмөрөөр боссон

Тэнгэр баганадсан олон барилгууд нь үнэндээ хууль бус цагаач ажилчдын боолын хөдөлмөрөөр сүндэрлэсэн. Олон арван мянган хагас өлгөлөн цагаачид хөдөлмөрийн маш хүнд нөхцөлд тун өчүүхэн цалингаар ажиллаж Дубайг босгосон.
 

Нутгийн иргэд цагаач ажилчдыг байнга хууран мэхэлдэг

Дубайд ажиллах эрх авахын тулд 2500 доллар төлөх учиртай ч ядуу улсын иргэд гаргаж чаддагүй. Харин үүнийг нь нутгийн иргэд ашигладаг. Ихэнх ажил олгогчид төлбөрийг өмнөөс нь төлөөд зээлээр ажиллуулах нэрээр урт хугацаагаар ямар ч үнэ төлбөргүй боолын ажил хийлгэдэг. Цалинг нь зээлэнд нь суутгаж байна хэмээн тайлбарлах бөгөөд зээлээ төлсөн ч хүү төлүүлэх нэрийдлээр ахиад л ажиллахыг шаарддаг.
Цагаач ажилчдын бичиг баримтыг хураадаг

Дубайд хөлсний ажил хийх нь дурлахаар зүйл огт биш гэнэ. Цалинг нь луйвардахаас гадна хамаг бичиг баримтыг нь хурааж аваад өгдөггүй. Ажлаасаа гарах гэхэд ямар нэгэн шалтаг заан заавал цалинг хасах гэдэг.
Дубайд ядуурал газар авч байна

Хотын зах хөдөөгөөр ядуурал маш их. Шейх Мухаммедын мэдэгдсэнээр ядуурлын түвшин 80 хувь өссөн байна. Энэ улсын 57 сая иргэн бичиг үсэгт тайлагдаагүйн дээр 30 сая нь нэн ядуу гэсэн судалгаа гарчээ.
 

Дубай хэвлэлд ээлгүй

Энэ улсад сэтгүүлч байх нь байнгийн аюул эрсдлийг дагуулдаг.  Хэвлэлийхний үйл ажилагааг хатуу журамласан маш олон хуультай. Нэгийг нь л зөрчихөд шууд баривчилдаг.  Дээр нь их хэмжээний торгууль төлөх болдог. Ялангуяа авлигал хээл хахуулийн сэдэв хөндөх нь амиа хорлохтой адил гэнэ. Шейх болон дээд язгууртнуудын авлигал, цагаач ажилчдын талаар бичвэл шууд л шоронд ачигддаг.
Дубайд эмэгтэйчүүд аюулд байнга өртддөг

Бүсгүйчүүд хувцаслалтаасаа эхлээд л баригдах хоригдох торгуулах аюулд байнга ордог.  Энэ нь гадаадын эмэгтэйчүүдэд бүр ч хэцүү. Хэрвээ хэн нэгэн араб эрийн “гуйлтанд” таагүй хариу өгвөл өөрийг тань шар айраг ууж байсан эсвэл тамхи татсан гэж цагдаад матаад л хохироож чадна гэдгийг олон тохиолдол баталсан.
Барилга хамгийн авлигажсан салбар

Дубайд хар данс, хууль бус барилгын материал болон хууль бус цагаач ажилчдын хүчээр баригдаагүй нэг ч барилга байхгүй. Үүн дээр төрийн түшмэдэд өгөх хахуулыг оруулах хэрэгтэй. Ийм учраас л барилга нь хамгийн ашигтай салбар болсоор удаж байна.
Шүүхэд бүү найд

Дубайн шүүхээр шийтгэгдсэн гадныхан шүүгчид нь бүгдийг гэм буруутай гэдэгт урьдчилан итгэчихсэн, өгөх ялаа төлөвлөчихсөн байдаг тухай гомдоллодог. Тийм ч учраас шудрагаар шүүнэ гэдэгт итгэх хэрэгггүй. Хахууль өгөхгүй л бол өөрийн талд ашигтай шийдвэр гарна гэж найдах хэрэггүй гэнэ.
Дэлхийн авилгачдын хүлээн авах байр

Дэлхийн бүх авлигачид идсэн мөнгөө аваад Дубайд дуртайяа ирдэг. Дубайн шейх мөнгөтэй ирсэн авлигачдаас хэнийг ч хэзээ ч буцааж өгч байгаагүй. Өнгөрсөн онд л гэхэд 500 мянган долларын авлигалын хэрэгт сэжиглэгдэн улсаасаа зугтан ирсэн Нигерийн армийн командлагч генерал Тукур Юсу Буратай одоо ч Дубайд тайван сайхан амьдарч байна. Генерал армиас идсэн мөнгөөрөө энд том сайхан эдлэн ордон худалдан авсан нь дубайчуудад таалагдсан.
Дубай олон улсын эрхзүйн хамтын ажиллагаанаас зайлсхийдэг

Дубай нь гэмт хэрэгтнийг эрх хайх шилжүүлэн өгөх, мэдээлэл солилцох зэрэг олон улсын нэг ч гэрээ хэлцэлд нэгдээгүй. Бүр цагдаа болон хүчний бусад байгууллага нь олон улсын хурал зөвлөгөөнд ч очдоггүй. Ийнхүү ямар нэгэн холбоо хамтын ажиллагаа байхгүй тул Дубайд зугтан очсон гэмт хэрэгтнийг буцааж авчирах нь бараг боломжгүй зүйл юм.
Дубайн морин уралдаан луйвраараа алдартай

Яг манайх шиг. Дубайн шейхийн гэр бүл 400 гаруй хурдан морьдтой, маш том жүчээтэй. Дубайчуудын морьд дэлхийн хэмжээний 4000 гаруй уралдаанд түрүүлсэн гэдэг. Дубайд болдог олон улсын морин уралдаанд заавал нутгийн морь түрүүлдэг нь олон жилийн турш мориндоо сэргээш тариа тарьж ирсэнийх гэнэ. Уралдаан бүрд ийм хэрүүл маргаан гардаг ч ямар арга хэмжээ авдаггүй.

НУУЦ.мн