Нууц мэдээллийн уурхай

Hьrriyet Daily News-д мэдээлснээр Туркийн шүүх орон гэргүй хүнийг гэрийн хорионд оруулах шийдвэр гаргасныг цагдаа нь тун ухаалгаар биелүүлжээ. Барыш Алкан гэдэг Стамбулын орон гэргүй 31 настай эр хар тамхи зөөсөн хэргээр баригдаж шүүхээр яллуулжээ. Хэдийгээр энэ хэрэгт хорих ял оноодог ч Барыш нь өөрийн гэх эд хөрөнгөгүй, мөнгөгүйн дээр хар тамхи зөөвөрлөөд тодорхой хөлс шан аваагүй нь тогтоогдсон тул арай хөнгөн шийтгэхээр шийджээ. Шүүх түүнийг орон гэргүй гэдгийг нь мэдэж байсан ч гэрийн хорионд оруулах шийдвэр гаргажээ. Шүүгдэгч нь өмгөөлөгч хөлслөх мөнгөгүй тул улсаас зардлыг нь гаргаж өмгөөлөгч томилж өгсөн. Харин өмгөөлөгч нь шүүхийн шийдвэрийг ямар ч утгагүй гээд давж заалдана гэж мэдэгджээ.
-Шүүх маш гайхалтай шийдвэр гаргалаа. Манай талын гаргаж өгсөн бүх баримт нотолгоог авч үзсэнгүй. Энэ хүн орон гэргүй, гудамжинд унтдаг. Ийм хүнийг яаж гэрийн хорионд оруулах юм бэ-

Харин цагдаа шүүхийн шийдвэрийг тун ухаалгаар биелүүлжээ. Барыш нь нэгэн  автобусны буудлын хажууд голдуу байдаг агаад шүүхийн баримтанд түүнийг нь “байнга оршин суудаг газар” нь гэж оруулжээ. Цагдаа нар буудлын хажууд төмрөөр сараалжин хашаа маягийн юм босгож түүндээ шүүгдэгчийг гэрийн хорионд оруулсан байна. Тэрээр бие засах, хооллохоос бусад үед энэ сараалжнаас гарах эрхгүй. Хэсгийн цагдаа нь өдөрт хоёр удаа эргэж шалгадаг гэнэ.

 

NUUTS.mn