Нууц мэдээллийн уурхай

Манай компаний захирлууд ч сүүлийн үед “бужигнуулж” байгаа аж. Мебль эдлэлийн нэгэн том компаний захирал бэлгийн дарамтын маш эвгүй хэрэгт нэр холбогдсон. Нийтийн тээврийн бас нэгэн том компаний захирал хотын захиргааны ажилтанг өрөөнд нь нударгалсан. Тэгвэл барилгын компаний захирал байр захиалагчийнхаа толгойг архины лонхоор “мялаагаад” явуулжээ. Үнэндээ байрны захилагч ч биш харин орон сууцны байр баригдсан газрых нь эзэн, бараг хамтрагч нь гэхээр хүн байж. Уг газар хамтрагчийх нь ээжийн нэр дээр байдаг агаад “Алтан дөл” компанитай нийлж гурван барилга барьжээ. Газрын эзний хувьд тэрээр ах, дүү эгчдээ байр авч өгөөд өөрөө гурван өрөө байр авчээ. Гэхдээ уг нь дөрвөн өрөө байр авах санаатай байсан гэнэ. Харин барилгын компаний захирал өөдөөс нь 35 сая төгрөгний өр нэхдэг байж. Энэ маргаан он дамжин явсаар уулзах бүрийд сөхөгддөг болжээ. Эцэст нь эр шиг ярилцахаар газрын эзэн нь 0,75 гр-ын виски барин очжээ. Очиж ярилцан барилгын зураг, зардлын баримт зэргийг үзэж байгаад сүүлдээ маргалдаж эцэстээ архины лонхоор толгойдоо цохиулжээ. Гэхдээ барилгын компаний захирал нэлээд олон сая төгрөг хаяснаар “хохирогч” гомдолгүй гэж мэдүүлсэн гэнэ.
 

НУУЦ.мн