Нууц мэдээллийн уурхай

Хосе Альберто Гутьеррес гэдэг энэ хижээл эр Колумбын Богота хотын тохижилт цэвэрлэгээний газарт хогны машины жолоочоор 20 жил тасралтгүй ажиллажээ. Тэрээр одоогоос 20 жилийн тэртээх нэгэн өдөр машинд нь ачиж байгаа хогон дунд шинээрээ шахуу нэгэн ном байхыг олж харжээ. Бууж очоод үзэхэд Францын алдарт зохиолч Жьюль Верний “Далай доогуур 20 мянган бээр аялсан нь” гэдэг ном байсанд олзуурхан авсанаар энэ түүх эхэлжээ. Ийнхүү өнөөг хүртэл тэрээр хог ачих бүрд залхууралгүй бууж ухаж төнхөн хаягдсан номнуудыг цуглуулж авдаг болжээ. Энэ хугацаанд тэрээр 25 мянган номыг хог хаягдал болохоос аварчээ. Авчирсан номнуудаа засаж сэлбэн ангилж төрөлжүүлээд гэрийнхээ жижиг амбаарт байрлуулжээ. Хөршийнхөө хүүхдүүдийг дуудаж авчирч үзүүлэн уншуулахаар ном өгч эхэлжээ. Удалгүй үнэ төлбөргүй ном тараадаг ахын тухай яриа тарж хүмүүс хүүхдүүд их ирж авдаг болжээ. Ном олширч уншигчид нэмэгдэхийн хэрээр ажил ч ихсэж амралтын өдрүүдийг номын сандаа өнгөрөөдөг болсон байна. Саяхан тэтгэвэрт гараад цуглуулсан номнуудаараа хувийн номын сан нээжээ.

Гайхалтай нь Хосе Альберто Гутьеррес нь ердөө бага боловсролтой гэнэ. Дунд сургуулиа дүүргээд амьдрахын эрхэнд ажил хийж эхэлжээ.
-Намайг бага байхад ном ховор бас үнэтэй байсан. Гоё зурагтай ном уншиж үзэх нь миний хувьд бараг мөрөөдөл шахуу байлаа. Гэтэл одоо хүмүүс номыг хаа сайгүй хаядаг болжээ. Үүнд сэтгэл маань өвдөн хаягдсан номнуудыг аврахаар шийдсэн юм.

NUUTS.mn