Хэт тарганаасаа болж энгэр зөрүүлж чадахгүй байсан хос 200 кг турсаны эцэст загас наадуулжээ
Chinanews.com -д мэдээлснээр хэт тарганаасаа болж дөрвөн жилийн турш загас наадуулж чадахгүй байсан хятад хос нийтдээ 200 кг турсаны “ачаар” саяхан эмч нарын хяналтанд үүлэн борооны ажил амжилттай хийсэн гэнэ. Дэн Янг болон Ли Юүй нар 2010 онд тураах төвд танилцаж гэрлэжээ. Тухайн үед хоюулаа турах гэж хичээллэж байсан агаад нас 30 гарсан байжээ. Анх танилцах үед 170 см өндөртэй нөхөр нь 180, 160 см өндөртэй эхнэр нь 150 кг жинтэй байсан. Гэрлэснээсээ хойш турахаар хамтран зүтгэсэн боловч харин ч жин нэмж нийт жин нь 400 кг болжээ.
.jpg)
Хэт тарганы улмаас хөдөлгөөн нь багасаж эрүүл мэнд болон сексийн амьдрал нь бүрэн уналтанд оржээ. Тэд яаж ч хичээгээд жам ёсоор загас наадуулах аргагүй болсон. Хамгийн сүүлд 2013 онд л арай гэж энгэр зөрүүлсэн гэж хүлээжээ. Дээр нь эмч нарын дүгнэлтээр хэт тарган эхнэр нь бие давхар болох нь эрүүл мэндэд аюултай гэжээ. Хөөрхийлэлтэй хосын гунигт түүхийг нь сонссон Жилин мужийн Гангючүн хотын эрүүл мэндийн төв тусгай курс эмчилгээнд урьжээ. Эмчилгээ 2015 онд эхэлж өдгөө дуусах шатандаа орсон гэнэ. Энэ хугацаанд тарган хос нийлбэр дүнгээрээ 200 кг турж тус бүр нь 100 орчим кг жинтэй болжээ.
Ингээд сая л нэг юм эхнэр нөхөр хоёр шиг энгэр зөрүүлсэн байна. Энгэр зөрүүлэхэд нь эмч нар хянасан гэнэ. Ийнхүү дөрвөн жилийн дараа л эр эмийн ажил хийсэн хосын сэтгэл санаа сэргэж хуримаа хийхээр шийджээ. Эхнэр нь өмнө нь хэзээ ч өмсөж чадахгүй байх гэж гутардаг байсан хуримын даашинздаа элбэг багтахаар болжээ.
NUUTS.mn
