Эцсийн мөчөө хүлээж буй бүсгүй багад нь зүрхний мэс засал хийлгээгүй эцэг эхээ амжиж шүүхэд өгчээ
Нийтэлсэн: 2017-06-05 23:59:01
.jpg)
Америкийн Айдахо мужийн мормон гэр бүлээс гаралтай Мэрайя Уолтон гэдэг 21 настай бүсгүй зүрхний цоорхойн өвчин гурван жилийн өмнөөс хүндэрчээ. Гэсэн ч мэс засал хийлгэхэд нэгэнт оройтсон байжээ. Эмч нар хэдхэн сарын хугацаа л хэлжээ. Гэтэл мормон шажинтай эцэг эх нь охиныхоо энэ хүнд өвчний талаар төрөхөөс нь эхлээд мэддэг байсан ч орчин үеийн эмчилгээгээр эмчлүүлэх, мэс засал хийлгээхээс эрс татгалзаж эсрэгээр нь мөргөл утлага аравнайлсан өвс зэргээр эмчилж ирсэн байна. Хөөрхий бүсгүйн мэдэгдсэнээр эцэг эх нь ямар ч эмчилгээ хийлгээгүй бөгөөд өдөр бүр залбир итгэ хэмээн ятгаж ариун ус гэгчийг цацаж мормоны сүмээс өгсөн гэх өвсийг хандлан уулгадаг байжээ. Гэсэн ч бие нь дээрдээгүйн дээр өдгөө улам муудаж зүрх уушиг нь бие эрхтнийг нь цус хүчилтөрөгчөөр нэгэнт хангаж чадахгүй болжээ. Сүүлийн нэг жилийг эмнэлгийн орон дээр өнгөрүүлсэн бүсгүй хорвоогоос явахаасаа өмнө амжиж эцэг эхээ шашны мунхаг сүсгийн улмаас үр хүүхдээ эмчилэх эдгэрүүлэх үүргээ санаатайгаар биелүүлээгүй хэмээн шүүхэд өгч хатуу шийтгэхийг шаарджээ.
.jpg)
Түүнийг хүүхдийн эрхийг хамгаалах байгууллагууд дэмжсэн байна. Тус муж улсын хуулиар хэрвээ эмчилгээний арга хэлбэр нь шашны зан үйлд нь харшилж байвал эцэг эх нь хүүхдээ эмчлүүлэхээс татгалзах эрхтэй байдаг гэнэ. Харин хүүхдийн эрхийг хамгаалах байгууллагууд нэгдэн энэ хуулийг өөрчлөхөөр тэмцэж эхэлжээ. Айдоха мужийн мормончууд нь нууцлаг хаалттай байдалд амьдардаг мухар сүсэг ихтэй гэжээ.
NUUTS.mn
