Нууц мэдээллийн уурхай

Энэхүү хоёр цагдаагийн өмнө сельфидэж байгаа царайлаг бүсгүйг  Жасмин Абуслин гэдэг. Калифорни мужийн Оакленд хотын цагдаагийн газрын шуурхай мэдээллийн албаны операторын охин тэрээр 16 настайгаасаа эхлэн биеэ үнэлж эхэлжээ.

Энэ хугацаанд аавынхаа ажлын газрын 24 цагдаатай унтаж амжсан байна. Ихэнхид нь мөнгөөр үйлчилсэн бол зарим нэгтэй нь “сэтгэлджээ”.  Цагдаа нар түүнийг насанд хүрээгүй гэдгийг мэдэхийн дээдээр мэдэж байсан аж. Жасмин бие үнэлэгчийн замд оронгуутаа хотын захын нэгэн хямдхан буудалд өрөө хөлсөлж тэндээ үйлчлүүлэгчидээ хүлээж авдаг байсан.

Энэ зуур тогтоогдсон баримтаар 24 цагдаа түүний өрөөгөөр “ороод гарчээ”. Харин Жасмин түүнээс ч олон гэдэг. Цагдаа нар заримдаа мөнгөө төлдөг ч зарим нэг нь өрөөнийх нь сарын түрээсийг даадаг, эсвэл хоол унд авчирч өгдөг байсан. Мөн мөнгөө төлөлгүй гараад явдаг цагдаа ч олон байжээ.  Дэн Блак гэдэг хижээл цагдаа Жасминыг байнга гэртээ аваачдаг байсан нь тогтоогдсон.

Эцэст нь бүсгүй цагдаа нарын давралтанд цэг тавихаар шийдэн бүгдийг шүүхэд өгөхөөр болж  нэгбүрчилэн мэдэгдсэн байна. Байнга бэлэн байдаг биеэ үнэлэгчийн энэхүү гэнэтийн шийдвэр цагдаа нарын тархинд цус харвуулах шахсан гэнэ.  Жасминд нэлээд “өртэй” Брендан О'Брайн гэдэг залуухан цагдаа шившигт хутгалдахаас айн тэсгэлгүй өөрийгөө буудчихжээ.

Бөөн шуугиан дэгдсэн ч бүсгүй хэлсэндээ хүрч хотын цагдаагийн газрыг шүүхэд өгч 66 сая долларын нөхөн төлбөр нэхэмжилжээ.

Цагдаагийн газар нь ажилтнуудынхаа ёс зүй, биеэ авч явах байдлын төлөө хариуцлага хүлээхээс гадна төлөөгүй төлбөрийг нь ч төлөх ёстой гэжээ. Мөн цагдаа нарын хатуу ширүүн гарт “үрэгдсэн” залуу нас, гоо үзэсгэлэнгийнхээ нөхөн төлбөрийг ч багтаажээ. Шүүх хурал эхлэхээс өмнө жинхэнэ хэрэг манджээ. Мужийн төвөөс ирсэн дотоод мөрдлөгийн алба ажлаа эхэлж долоон цагдаа баригдаж 30 цагдаа ажлаасаа халагджээ.

Хотын цагдаагийн газрын гурван ч том дарга халагдсан. Харин шүүх биеэ үнэлэгчийн нэхэмжлэлийг хэсэгчилэн хангаж цагдаагийн газрыг нэг сая долларын нөхөн төлбөр төлөх шийдвэр гаргажээ.

NUUTS.mn