Нууц мэдээллийн уурхай

Энэ яамны сайд “зөөлөн” Ж.Батсуурь огцорлоо. Нам дотроо ч сулд тооцогддож явсан. Тийм ч учраас БСШУС-ын сайд болоход нь олон хүн гайхаж байсан. Ийм зөөлхөн хүн ардаа нэг нэг “асаалттай танктай” яамны даварсан түшмэдүүдийг дарж атгаж ажиллуулж чадаагүй биз. Огцорсон сайдын дуулианаар оодорсон түшмэдийн тухай шуугиулаа. Сайд явдаг тэд үлддэг л гэнэ. Сайддаа бус цаад эзэндээ захирагддаг л гэнэ. Сайд юм хэлэхээр эзэндээ шууд гүйж очиж ховлодог л гэнэ. Бас сайдынхаа нэр дээр ЗГХЭГ-д матаас бичдэг болж. Ёстой даварсан түшмэдтэй яам  очиж очиж хамгийн зөөлөн сайдад оногджээ. Сайд тэдний гарыг даасангүй өөрөө ойчиж. Өдгөө энэ яамны сайдад МАН-н удирдах зөвлөл УИХ-ын гишүүн Ц.Цогзолмаа, УИХ-ын даргын зөвлөх Т.Ганди нарыг нэр дэвшүүлэн өрсөлдүүлэхээр болж байна. Даварсан түшмэдтэй яаманд яг таарах хүн нь “төмөр хатагтай” хэмээх Т.ганди юм. Харин дэргэд нь Ц.Цогзолмаа балчирдана. Хэдэнтээ УИХ-д сонгогдож сайд, элчин сайд гээд бэрх ажлуудыг хашаад үзсэн тэрээр ганцын зэрэг яамыг атгаад базаад бас ажиллуулахыг хэнээр ч заалгахгүй чадна. Тэгээд ч  төрийн албанд дөнгөж ороод оодорсон намын залуусдаа дургүйцдэг ахмад үеийн төлөөлөл. Т.Гандид яамных нь ТНБД, дэд сайд, газрын дарга хэний хүн байх нь хамаагүй. Ах дүүс нь мянгантаа шүдэнз зураад ч нэмэргүй. Шаардахаа шаардаж хийлгэхээ хийлгэж чадна. Яамдын түшмэд сайдаа дээрэлхээд сурсан бол өдгөө тийш нь дээрэлхүүлдэггүй хүнийг л явуулах хэрэгтэй.

 

НУУЦ.мн