Нууц мэдээллийн уурхай

Флорида мужийн Порт Луйс хотод өнгөрсөн ням гаригт болсон хүүхдийн төрсөн өдрийн баярын үеэр осол гарч хоёр хүүхэд эмнэлэгт хүргэгджээ. Тус хотын иргэн Дебора Ромеро охиныхоо хоёр насны төрсөн өдрийн баярыг хийж найз нөхөд болон хамаатнуудынхаа 10 гаруй хүүхдийг урьжээ.

Баярт зориулан хашаандаа хийлдэг хуванцар тоглоомон байшин босгосон гэнэ.

Гэтэл хүүхдүүдийг дотор нь тоглож байхад гэнэт байшингийн хий нь гарч бүх жингээрээ дээрээс нь даран унаснаас хоёр хүүхэд гэмтэж эмнэлэгт хүргэгджээ. Дуудлагаар ирсэн цагдаа нар хэргийг шалгах үеэр гэрийн камерт Ромерогийн хөрш нь орж ирэн хийлдэг байшингийн хийн насосыг унтрааж байгаа нь бичигдсан байжээ.

60 настай хөрш өвгөн хүүхдүүдийн хэтэрхий чанга шуугилдаж дуу чимээ гаргаж байснаас ингэхэд хүрсэн гэжээ. Харин Дебора түүнийг дэлхий хамгийн муухай зантай бас аймшигтай хөрш гэж хэвлэлд ярьжээ. Мэндлэхэд дуугардаггүй, хөршийн холбоо харилцаа үүсгэхээс татгалздагаас гадна байнга хэрүүл маргаан дэгдээдэг гэнэ. Бас хүүхэд нохойг нь аз үздэг, намайг ганц бие ээж болохоор дандаа дээрэлхдэг гэж гомдоллосон байна. Өнгөрсөн зул сарын баяраар хашаандаа өлгөсөн гэрлэн чимэглэлийг нь тасдаад хаячихсан байсан гэнэ. Цагдаа аймшигт хөршид эрүүгийн хэрэг үүсгэжээ.
 

НУУЦ.мн