“Тасарсан” залууг гэрт нь хүргэж өгөөд унтуулахдаа селфидсэн цагдаа нар цахимын од болжээ
Нийтэлсэн: 2017-05-30 04:59:33
.jpg)
Австралийн Тасмани мужийн цагдаа нарын энэ селфи улсад нь “Үлгэрийн юм шиг орон” гэсэн алдар авчирчээ. Сельфийн арын фонд гарсан залуу эр Рис найз нартайгаа наргиад тасарчээ. Өглөө нь сэрэхэд гэртээ унтаж байсан гэнэ. Хувийн эд зүйлсээ шалгахад гар утас түрүүвч, банкны карт нь цөм бүрэн байжээ. Нэгэн сайн санаатан өөрийг нь халамжилан гэрт нь хүргэж ирээд бүр орыг нь засаад тухтай гэгч нь унтуулсан нь мэдэгджээ. Харин хэн гэдгийг нь гар утаснаасаа мэджээ. Гар утсанд нь өөрийг нь хүргэж өгөөд селфидсэн цагдаа нарын зураг байжээ. Сайхан сэтгэлт цагдаа нарт баярласан залуу болсон явдлыг зургийн хамт цахимаар цацжээ. Мөн сельфидэх үед эрхий хуруугаа гозойлгосон эсэхээ огт санахгүй байгаагаа дурдсан байна.
НУУЦ.мн
