Хүчил цацуулсан эмэгтэйд гэрлэх санал тавьсан залуу олны сайшаалыг хүртжээ /бичлэг, сэтгэл хөдөлгөм/
Нийтэлсэн: 2017-05-29 05:40:59
.jpg)
Таван жилийн өмнө хүчлээр түлүүлж нүүр нь хүн харахын аргагүй болж өөрийгөө энэ дэлхийн хамгийн золгүй эмэгтэйд тооцож байсан 26 настай Лалита Бен Банси өдгөө хамгийн аз жаргалтай бүсгүй болжээ. Учир нь 27 настай Рави Шанкар гэдэг залуу түүнд гэрлэх санал тавьж саяхан хурмаа хийсэн байна. Хуриманд нь эмэгтэйчүүдийн эрхийн төлөө тэмцэгчдийн нэг, Болливудын алдарт жүжигчин Вивек Оберой ирж хүчилд түлүүлсэн нүүртэй эмэгтэйг эхнэрээ болгож авсан залуугийн сайхан сэтгэлийг магтан сайшаасан байна. Мөн хүчлийн дайралтанд өртөж эрүүл мэнд гоо сайхнаараа хохирсон олон эмэгтэй иржээ.
.jpg)
Энэтхэгт эмэгтэйчүүд рүү хүчил цацах нь олонтоо гардаг. Лалита Бен Банси нь 2012 онд хүчил цацуулж гоо сайхнаа эгнэгт алдсан. Гайхалтай үеэл эгч нь хурим болохоос ердөө тавхан хоногийн өмнө нүүр лүү хүчил цацаж ийнхүү зэрэмдэглэжээ. Сүйт бүсгүй нь гоо сайхнаа алдсан тул хадам болох тал нь гэрлэлт хуримыг цуцалсан. Хөөрхий бүсгүй 17 удаа хагалгаа хийлгэсэн ч нүүрний төрх нь үүнээс илүү сэргэсэнгүй. Лалита Бен Банси нөхөртэйгээ утасны дугаар андууран залгаад танилцжээ. Удалгүй тэд утсаар харилцдаг болсон байна.
.jpg)
Ийнхүү харилцаа гүнзгийрэх үед бүсгүй хүчлээр түлүүлсэн гэдгээ хэлэхэд залуу тун тайван хүлээж авчээ.
-Би гадаад төрхөнд нь татагдан гэрлэсэн хүмүүс дорхноо салдагыг олонтоо харсан. Сүйт бүсгүйн маань нүүр царай миний санааг огт хувиргаагүй. Лалита маш сэтгэл татам эмэгтэй. Би анх дууг нь сонсоод л дурласан-
НУУЦ.мн
