Англи залуу өгсөн сая фунтыг нь сарын дотор үрчихээд эцэг эхээсээ ахин мөнгө нэхэж шүүхджээ
Нийтэлсэн: 2017-05-20 00:19:08
.jpg)
Хижээл насны хос Дэвид болон Анджела Дэвис нар сугалаагаар 101 сая фунт буюу 132 сая доллар хожин нэгхэн өдрийн дотор Британи даяар алдаршсан. Азтай эхнэр нөхөр хоёр тэр хонжворын мөнгөө буяны үйлсэд зориулахаа мэдэгдсэн. Гэхдээ ганц хүүхэд нь болох 32 настай Майклаа мартсангүй. Хүүдээ нэг сая фунт өгч амьдрлаа хөл дээр нь босгоод өөрийгөө аваад явахад нь хангалттай хүрэлцэнэ гэж тооцжээ.Энэ нь 1,3 сая доллар буюу манайхаар хоёр тэрбум гарсан төгрөг юм. Гэсэн ч бүтэлгүйн дээр үрэлгэн хүү нь өгсөн мөнгийг нь ердөө нэгхэн сарын дотрын дотор үрж дуусгачихаад ахин ирж 600 мянгыг нэхжээ. Эцэг эх нь сохор зоос ч үгүй болсон гэж бухимдан уурлах хүүдээ арга буюу өгөөд явуулжээ. Гэтэл сарын ахин дараа ирээд шууд л таван сая фунт нэхсэн байна.
.jpg)
Эцгийх нь гомдоллон ярьсанаар мөнгө нэхэж ирсэн өдөр нь ээжийх нь төрсөн өдөр байжээ.
-Тэрээр гартаа ядахдаа нэг ширхэг цэцэг ч барьж ирээгүй байж маш дээрэнгүй байдлаар шууд л мөнгө нэхсэн. Улмаар биднийг хэл амаар доромжилж гутаасан. Хүү маань өдгөө бидний хонжворын мөнгөөр л амьдрах гэсэн нь илт байлаа. Дуртай үедээ ирээд л загнаж байгаад мөнгө аваад явах санаатай. Хонжворын мөнгийг дуусашгүй гэж боджээ. Тийм болохоор би хүүдээ ахиж нэг ч фунт өгөхгүй гэж шулуухан хэлсэн-
Гайхалтай нь хүү нь үнэхээр тийм бодолтой болсон байжээ. Эцэг эхээ маш их мөнгө хожингуут тэр дор нь ажлаасаа гарсан гэнэ. Өдгөө ачлалгүй хүү өдгөө аав ээж хоёроо үр хүүхдээ асран тэтгэх эцэг эхийн үүргээ биелүүлээгүй хэмээн шүүхэж өгч мөнгө нэхэмжилсэн тухай Sun-д мэдээлжээ.
НУУЦ.мн
