Норвегид хээрийн сургуулиар Америкийн 200 цэрэг осгож хөлдсөнийг нууцалж байсан нь илэрчээ
Нийтэлсэн: 2017-05-18 08:46:32
Шведийн өвлийн тусгай зориулалттын хувцас үйлдвэрлэдэг компаний төлөөлөгч Йонас Райдем өнгөрсөн 2-р сарын сүүлээр Норвегид болсон хээрийн сургуулийн үеэр Америкийн 200 орчим цэрэг осгож янз бүрийн түвшний хөлдөлт авсан тухай зарлажээ. Military.com- энэ талаар Европ дахь Америкийн цэргийн командлалаас тодруулга авах гэхэд ямар нэгэн тайлбар мэдээлэл хийхээс татгалзсан байна. Шведийн энэ компани НАТО-д цэргийн өвлийн тусгай зориулалттын хувцас нийлүүлэх талаар ажиллаж байгаа гэнэ. Тус компаний төлөөлөгчийн мэдээлснээр хээрийн сургуулилалт Норвегийн хойд зүгт Арктикд -45 хэмийн хүйтэнд болжээ. Хээрийн сургуулилалтын үеэр цэргүүдийн өмсөж байсан иж бүрэн хувцас хэрэглэл нь хүйтний шалгуурыг огт даагаагүй байна. Олон давхар хувцас нь биеийн дулааныг хадгалж чадаагүйгээс гадна хүйтэнд оёдлоороо язарч цахилгаан нь тас хөлдсөн гэнэ. Гутал нь мөн хөлдөж үүргэвчнүүд нь ердөө хугарчихсан аж. Үүнээс болж 200 гаруй цэрэг гар хөл, хацар чихээ хөлдөөснөөс олон цэрэг үхтлээ осгожээ.
НУУЦ.мн
