Нууц мэдээллийн уурхай

Хөрөнгийг нь авч чадаагүй “харамсмаар” хэрэг гарчээ. Ердөө долоохон жилийн өмнө үзэсгэлэнт бүсгүй Сандрин Девиллар Парисын үл хөдлөх хөрөнгө зуучлалын нэр хүндтэй компанид ажилладаг байсан. Тэр үед өвөрмөц гадаад төрхтэй хижээл эр газрын наймааны талаар зөвлөгөө авахаар ирсэн нь Францад “агуйн” саятан хэмээн алдаршсан Марсель Арфу байжээ. Агуйн саятны гадаад төрх нь яг л агуйд амьдардаг эртний неандерталь хүнийх шиг. 

Энэ нэрэнд нь тааруулах гэсэн мэт түүнийг агуйд амьдардаг гэх яриа дэгдсэн нь ор үндэсгүй зүйл биш байжээ. Тэрээр заримдаа тосгоноосоо холгүйхэн орших агуйд хэсэг хугацаагаар амьдаргдаг байжээ. Марсель Арфу нь газар тариалангийн маш том талбайтай хур хөрөнгө их эр аж. Бүхэл бүтэн тосгон тэр чигээрээ шахуу түүнд ажилладаг. Удалгүй агуйн саятан хотын ганган бүсгүйтэй болзох болсон нь хэвлэлийхний хараанаас мултарсангүй.

Хэвлэлээр шуугиж байсны дагуу бүх зүйл болж жилийн дараа тэд гэрлэжээ.

Аз жаргалаар дүүрэн хоёрхон жилийн өмнө саятан автомашины ослоор амиа алджээ. Машиныг эхнэр нь жолоодож явсан нь бүр ч дуулиан тарив.

Гайхалтай нь ослоор Сандрин огтхон ч бэртэж гэмтсэнгүй. Ингээд талийгаачийг оршуулсны дараа өв залгамжлалын асуудал яригдахад тэрээр бүх хөрөнгийг нь авна гэдэгтээ бат итгэлтэй байсан гэнэ. Саятан өмнө нь гэрлэж байгаагүй, үр хүүхэдгүйн дээр хамаатан садан ч гэх хүнгүй. Гэтэл санаанд оромгүй явдал болж саятны амьд ахуйдаа үлдээсэн гэрээслэлийг задлахад тэрээр эхнэртээ сохор зоос ч үлдээгээгүй байжээ. Бүх хөрөнгөө холын хоёр хамаатандаа болон аж ахуйд нь ажилладаг тосгоныхонд гэрээслэсэн аж.

Бүсгүй өөртэй нь мөнгөний төлөө гэрлэж байгааг саятан төвөггүйхэн мэджээ. Өөрийг нь хэзээ нэгэн цагт хорлоно гэдгийг ч таамаглаж байсан бололтой. Ийм ч учраас залуу эхнэртээ нэг ч мөнгө үлдээлгүйгээр гэрээслэлээ бичжээ. Өдгөө галзууртлаа уурласан Сандрин гэрээслэлийг хуурамч хэмээн шүүхдэж байгаа гэнэ.
 

НУУЦ.мн