Цэцэг худалдагч бүсгүйг хүчирхийлж дээрэмдээд цэцгийг нь ээждээ бэлэглэжээ
Нийтэлсэн: 2017-05-16 11:22:03
.jpg)
Оросын Znak.com-д мэдээлснээр Екатеринбург хотод жигшмээр хэрэг гарчээ. Тус хотын 24 цагаар ажилладаг цэцгийн дэлгүүр халдлагад өртсөн байна. Оройн 20 цагаас хойш тус дэлгүүр хаалгаа хаан тусгай цонхоор үйлчилэх журамтай аж. Гэсэн ч хаасан хойно ирсэн нүдэнд дулаахан залуухан эрд худалдагч бүсгүй итгэн хаалгаа нээсэн нь том алдаа болжээ. Үл таних эр дэлгүүрт оронгуутаа ганцаараа байсан худалдагчийг хутгаар сүрдүүлэн орлогийн мөнгийг нь дээрэмджээ. Зөвхөн мөнгөнд сэтгэл нь ханаад зогсолгүй айсан худалдагчийг арын өрөөнд нь оруулан хүчирхийлээд гарахдаа үнэтэй улаан сарнай цэцгийг баглаагаар нь авч оджээ. Гэсэн ч мөрдөгчид ердөө маргааш нь хэрэгтнийг олж тогтоосон нь өмнө нь дээрэм хулгайн хэргээр шийтгэгдэж байсан архаг гэмт хэрэгтэн байжээ. Тэрээр нийтдээ 16 мянган рубль дээрэмдсэнээс гадна гарахдаа авч явсан сарнайг ээждээ бэлэглэсэн байжээ. Мөрдөгчид гэрт нь очиход ээж нь цэцгийг шилэн саванд хийн тавьсан байжээ. Харин хамаг учрыг нь хэлэхэд хөөрхий настай эмэгтэй цэцгийг авч шидээд л ухаан алдан унасан гэнэ.
НУУЦ.мн
