Нууц мэдээллийн уурхай

Өдгөө Англид Адриан Жулиан Бэйфорд хэмээг азтай ч өөдгүй эр цахим сүлжээний гол баатар болж байна. Тэрээр өнгөрсөн жил сугалаагаар 168 сая фунт хожиж улсынхаа хамгийн азтай нэгнээр тодорч байсан.

Гэсэн ч мөнгөө авсаны дараа 16 жил ханилсан эхнэрээсээ салан залуухан бүсгүй даган оджээ.

Явахдаа дэндүү бага мөнгө үлдээсэн гэнэ. Мөнгөндөө толгой нь эргэсэн хижээл эрийг амархан урхидсан энэ бүсгүйг Саманта гэдэг. Тэрээр Адрианаас 17 насаар дүү нэгэн.

Насны зөрүүтэй хоёр амраг халуун орны наран шарлагын газруудаар зугаалж Адриан ч мөнгөө харамгүй заржээ. Өндөр үнэтэй бэлэг сэлт авч өгөн хүссэн болгоныг нь биелүүлж байжээ. Банкны картаа нууц үгтэй нь хамт итгэн өгчээ. Гэтэл Бразильд амарч байхад нь нэгэн өглөө хорон санаат бүсгүй банкны бүхий  карт, үнэт эдлэл, авч өгсөн бэлэгнүүдийг нь аваад арилжээ.

Залуу амрагаа ор мөргүй зугтаасныг нь таамаглалгүй зочид буудлаар эрж хайж байхад нь бүсгүй картанд байсан бүх мөнгийг нь өөр хүний данс рүү шилжүүлээд алга болжээ. Ийнхүү хөгшин эр хүний нутагт халаасан дахь хэдэн доллараас өөр мөнгөгүй үлдсэн байна. Арга ядахдаа эхнэр лүүгээ ярьж аврахыг гуйжээ. Эхнэр нь замын зардал шилжүүлж Англидаа авчираад ирэхэд нь гэртээ оруулсан гэнэ.

NUUTS.mn