Нууц мэдээллийн уурхай

Баянгол дүүргийн Эрүүгийн хэргийн анхан шатны шүүх дээр Мунзуй хочит Г.Нямдорж нарт холбогдох хэргийн шүүх хуралдаан өнөөдөр эхэллээ. Мунзуй хочит Г.Нямдорж нь өнгөрсөн оны тавдугаар сард “Рийч хилл” зочид буудалд бусдыг дарамталж, мөнгө нэхэж байгаад үйлдэл дээрээ баригдан ЭЦГ-ын Зохион байгуулалттай гэмт хэрэгтэй тэмцэх хэлтсийнхэнд баривчлагдсан байдаг.  Түүнийг прокурорын байгууллагаас бусдын эд хөрөнгийг авахаар далайлган сүрдүүлсэн хэргээр шалгаж яллах дүгнэлт үйлдэн шүүхэд шилжүүлсэн. Нийслэлийн Прокурорын газраас Эрүүгийн хуулийн ерөнхий ангийн 35 дугаар зүйлийн 35.3, 35.5, 36 дугаар зүйлийн 36.2 дахь хэсгийг журамлан, мөн хуулийн тусгай ангийн 149 дүгээр зүйлийн 149.3 дахь хэсэгт зааснаар, Эрүүгийн хуулийн ерөнхий ангийн 35 дугаар зүйлийн 35.6, 36 дугаар зүйлийн 36.2 дахь хэсгийг журамлан Эрүүгийн хуулийн тусгай ангийн 125 дугаар зүйлийн 125.2 дахь хэсэгт зааснаар, Эрүүгийн хуулийн ерөнхий ангийн 35 дугаар зүйлийн 35.2, 36 дугаар зүйлийн 36.3 дахь хэсгийг журамлан 252 дугаар зүйлийн 252.2 дахь хэсэгт зааснаар, Эрүүгийн хуулийн тусгай ангийн 261 дүгээр зүйлийн 261.1 зааснаар С.Мөнхбат, Эрүүгийн хуулийн ерөнхий ангийн 35 дугаар зүйлийн 35.6, 36 дугаар зүйлийн 36.2 дахь хэсэгт заасныг журамлан мөн хуулийн тусгай ангийн 149 дүгээр зүйлийн 149.3, Эрүүгийн хуулийн ерөнхий ангийн 35 дугаар зүйлийн 35.5, 36 дугаар зүйлийн 36.2 дахь хэсэгт заасныг журамлан мөн хуулийн тусгай ангийн 125 дугаар зүйлийн 125.2, 261 дүгээр зүйлийн 261.1 зааснаар Г.Нямдорж, Эрүүгийн хуулийн тусгай ангийн 35 дугаар зүйлийн 35.6, 36 дугаар зүйлийн 36.2 дахь хэсгийг журамлан мөн хуулийн тусгай ангийн 149 дүгээр зүйлийн 149.3 зааснаар Хонин онход овогтой Чимэдбазарын Нямдаваа, М.Дондовсамбуу, Б.Баяржаргал, О.Баттуяа нарт холбогдуулан, Эрүүгийн хуулийн ерөнхий ангийн 35 дугаар зүйлийн 35.5, 36 дугаар зүйлийн 36.3 дахь хэсгийг журамлан мөн хуулийн тусгай ангийн 252 дугаар зүйлийн 252.2 дахь хэсэгт зааснаар С.Сандуйжав нарт холбогдуулан тус тус яллах дүгнэлт үйлдэж шүүхэд шилжүүлсэн юм.
 

НУУЦ.мн