Нууц мэдээллийн уурхай

Өнгөрсөн 2016 оны зургадугаар сарын 17-ны өдөр нийслэлийн Хан-Уул дүүргийн нутаг дэвсгэр, Туул голын эрэг орчимд 10 гаруй удаа буун дуу гарч, ойр орчмын оршин суугчдыг айлгаж цочроосон хэрэг гарч байсан. Энэхүү хэрэгт "Доён" хочит У.Болд гэх иргэнийг сэжигтнээр татан шалгаж, прокуророос яллах дүгнэлт үйлдэн хэргийг шүүхэд шилжүүлээд байсан бол өнөөдөр уг хэргийн шүүх хурал Хан-Уул дүүргийн Эрүүгийн хэргийн анхан шатны шүүхэд болж байна. Хан-Уул дүүргийн Эрүүгийн хэргийн анхан шатны шүүхэд яллагдагч У.Болд, Т.Өлзийжаргал нарт холбогдох хэргийн шүүх хурал үргэлжилж байгаа юм. Хан-Уул дүүргийн прокурорын газраас Эрүүгийн хуулийн тусгай ангийн 181-р зүйлийн 181.3 дахь хэсэгт зааснаар яллах дүгнэлт үйлдэж ирүүлсэн байна.

У.Болд нь, Т.Өлзийжаргал нар нь бүлэглэн, 2016 оны зургадугаар сарын 17-ны өдөр 20:50 цагт Хан-Уул дүүргийн 13 дугаар хороо, Таван толгойн гүүрний зүүн талд, Туулын бургасанд согтуугаар бусдыг илтэд үл хүндэтгэн, нийгмийн хэв журмыг ноцтой зөрчиж галт зэвсэг буюу гар буугаар буудаж танхайрсан гэмт хэрэгт холбогдсон юм.

НУУЦ.мн