Нууц мэдээллийн уурхай

Daily Mail-д мэдээлснээр Колумби улсын Пьедекуэста хотын дунд эргэм насны гэр бүл бусдын адилаар л амьдарч байжээ.28 настай Сандра Милена Алмеда гэдэг эхнэр нь гэр ахуйн цахилгаан бараа зардаг агаад энэ жил Панамын далайн эрэгт гэр бүлээрээ амрах гэж өнгөрсөн оноос нь мөнгөө цуглуулж эхэлжээ. Тэрээр нийтдээ 7000 доллар хуримтлуулсан нь сар сайхан амрахад хангалттай хүрэлцэхүйц мөнгө гэнэ. Гэтэл 4-р сард нөхөр нь араар нь тавиад баригджээ. Энэ явдлын улмаас том хэрэг мандан хэрүүл дэгдэж эхнэр нөхөр хоёр салахдаа тулсан байна. Харин нөхөр нь явдалтайн дээр шуналтай эр байж таарчээ. Тэрээр салахдаа хүртэл эхнэрийнхээ цуглуулсан 7000 долларыг гэр бүлийн бусад хөрөнгөний адил хувааж авна хэмээн дайрсан байна. Эхнэр нь дундын хөрөнгөө хуваалцахад дургүйцээгүй ч бүтэн жилийн турш арайхийн цуглуулсан мөнгөө харин л хуваалцахыг хүссэнгүй. Нууц дансанд хийх гэсэн ч нөхрийх нь өмгөөлөгчид олоод мэдчихнэ гэж айжээ. Найз нөхөддөө хадгалуулахаар өгөхөд дэндүү их мөнгө агаад бас найдвартай хүн олдсонгүй.Ингээд л мөнгөө “нуух” хамгийн найдвартай газрыг ходоодоо гэж үзээд 7000 долларын 70 ширхэг зуутын дэвсгэртийг нэг нэгээр нь шуудхан идсэн байна. Гэсэн ч хэдхэн цагийн дараа бие нь муудаж эмнэлэгт түргэнээр иржээ. Эмч нар мэс засал хийж 5700 долларын зуутын дэвсгэртүүдийг бүтнээр нь гаргаж авчээ.

Гаргаж авсан мөнгийг тэнийлгээд хатааж бэлджээ.

Харин үлдсэн мөнгө нь ходоодонд нь боловсрогдож ашиглахын аргагүй болсон гэнэ.

70 ширхэг зуутын дэвсгэрт идсэн эмэгтэй ердөө нөхөртөө л мөнгө өгөхгүйн тулд ийм алхам хийсэн гэжээ.

НУУЦ.мн