Нууц мэдээллийн уурхай

Америкд эмэгтэй багш нар сурагч хөвгүүдээ уруу татсан, бэлгийн хүчирхийлэл үзүүлсэн хэрэг олонтоо гардаг. Харин энэ удаад сургуулийн цэвэрлэгч гол “баатар” болжээ. Теннеси мужийн нэгэн сургуулийн цэвэрлэгчээр ажилладаг 29 настай Жессика Гальон хэмээх энэ эмэгтэй нөхөртэй хүүхэдтэй.

Гэхдээ түүний сургууль дээр хүчингийн хэрэг үйлдэнэ гэж хэн ч төсөөлөөгүй. Тэрээр өнгөрсөн оны 11-р сараас эхлэн сургуулийнхаа 16 настай хүүг илт өдөж хоргоож эхэлжээ. Үүндээ эгчмэд бүсгүйн олон арга ухаанаа гаргасан байна. Яриа  өдөж амттанаар дайлж сургуулийн булан тохойд хоргоож гэнэ. Үүнийг хүүгийн ангийнхан нь хүртэл анзаарчээ. Сүүлдээ цэвэрлэгч биеэ барьж чадахаа байн зочид буудалд өрөө захиалаад хүүг дуудсан аж. Гэсэн ч ирсэнгүйд шийдвэртэй алхам хийхээр шийджээ. Тэрээо өнгөрсөн 2-р сард хүүг яаж ийгээд цэвэрлэгч нарын амралтын өрөөнд оруулж аваад өрөөгөө дотроос нь түгжээд дайрч хүчирхийлжээ. Энэ явдал хичээлийн цагийн үеэр болсон гэнэ. Өдгөө цэвэрлэгчийг барьж хориод байна.

Хүү зандан байсан тул бие эрхтний болон сэтгэлзүйн маш их хохирол хүлээсэн хэмээн өдгөө эцэг эх нь гомдол гаргаж 4,1 сая долларыг нөхөн төлбөрд нэхэмжилжээ. Мөн олон сар үргэлжилсэн цэвэрлэгчийн ёсзүйгүй явдлыг таслан зогсоох арга хэмжээ аваагүй хэмээн сургуулийн захиргааг ч шүүхэд өгчээ. Цэвэрлэгч нь сурагч хүүг өдөөд эргүүлээд байгааг ангийнхан нь төдийгүй зарим багш нар ч мэдэж байсан нь өдгөө тодорхой болжээ. Гэтэл тэд ердөө тоглоом тохуу болгоод л өнгөрөөсөн байна.
 

NUUTS.mn