Ц.Элбэгдорж 21 ширхэг Сүхбаатарын одон цүнхлээд Монголыг тойрох уу...
.jpg)
Ерөнхийлөгч Ц.Элбэгдорж ард түмнээрээ ажлаа дүгнүүлэх гээд тун завгүй явна. “Ардын үг” гэдэг нэвтрүүлэг энэ ажлыг хийж байна. Тохиолдлоор сонгогдсон гэх дугаар хорооны иргэд Ерөнхийлөгчид авч болох 10 онооноос доод тал нь найман оноо өгсөн нь нэлээд үнэмшил муутай. Гэхдээ энэ нь бараг онц шахуу үнэлэлт гэнэ. Одоо хэн ч Ц.Элбэгдоржийг найман жил төрийн тэргүүний суудалд суугаад ажлаа муу хийсэн гэж хэлж чадахгүй. Тэгээд ч найман жил ажиллаад наймын онооны үнэлгээ авна гэдэг нь билэгдлийн талаасаа ч муугүй. Хотынхноор гайгүй үнэлгээ тавиулсан Ерөнхийлөгч хөдөөг зорьж ажлаа дүгнүүлэхээр Дорнодод очсон. АН-ын бас л билэгдлийг бодож аливаа тойрог аялалаа наран ургах зүгээс эхэлдэг. Ерөнхийлөгчийг зүүн бүсийн хөгжлийн “тулгуур” төвд ёслол төгөлдөр хүлээн авлаа. Олон нийттэй хийсэн уулзалтанд ажлаа дүгнүүлэх гэж ирсэн гэдгээ шууд хэлсэн. Гэхдээ ажлаа дүгнүүлэхээсээ өмнө аймгийг нь Сүхбаатарын одонгоор шагналаа. Хүнээс юмыг нь авчихаад хийсэн ажлыг нь муу муухай гэж хэлэх нь хүн ёсонд таарахгүй биз. Ингээд дорнодчууд Ерөнхийлөгчийг найман жил муугүй ч биү бүр сайн ажилласан хэмээн уулзалт дээр нь магтсан байна. Ийнхүү зорьсон хэрэг бүтжээ. Өдгөө цаана нь 20 аймаг үлдсэн тул цүнхэнд нь 20 одон яваа л байгаа байх даа...
НУУЦ.мн
