Мужийн захирагчийн нэрийг мэддэггүйн төлөө 4-р ангийнхны дүнг бууруулж тавьжээ
Оросд ээлжит тэнэглэл гарчээ. Самара мужийн нэгэн сургуульд 4-р ангийн сурагчдаас “Хүрээлэн буй орчин” сэдвээр шалгалт авчээ. Шалгалтын тестийн дунд «Кто такой Н. И. Меркушкин?» буюу «Н. И. Меркушкин гэж хэн бэ ?» гэсэн асуулт байжээ. Путинээс өөр даргын нэрийг мэдэхгүй шахам бага ангийнхан энэ асуултанд бөөнөөрөө унасанд тэдний дүнг бууруулсан байна. Харин Н. И. Меркушкин гэдэг нь мужийн захирагч гэнэ.
.jpg)
Болсон явдлын талаар мэдсэн эцэг эхчүүд сургуулийн захиргаанд гомдол гаргаж хүрээлэн буй орчины хичээл болон мужийн захирагчийн нэр хоорондоо ямар холбоотойг тодруулжээ. Харин багш нар бага ангийнхан үздэг “Хүрээлэн буй орчин” сурах бичгийн нүүрэнд мужийн захирагчийн гэгээн дүрийг мөнхөлсөнийг сануулсан байна.
.jpg)
Түүнээс гадна та нарын хүүхдүүдэд ийм сайхан сургууль байгуулж өгсөн, сурах нөхцлөөр хангасан бас гоё хоол өгүүлдэг мужийн захирагчийн нэрийг хэдий 4-р ангийхан гэсэн ч заавал мэдэж байх учиртай гэсэн хариу өгч амыг нь таглажээ.
НУУЦ.мн
