Нууц мэдээллийн уурхай

Бразилийн өмнөд хэсэгт орших Ново Хэмберго хотын 25 настай энэ залуу хэвлэлд ярилцлага өгөхдөө нэрээ нууцалж өөрийгөө Xiahn гэж танилцуулжээ. Эцгийн талаасаа герман гаралтай тул шаргал үстэй, цэнхэр нүдтэй европ төрхтэй байжээ.

Байжээ гэсний учир нь тэрээр өдгөө 10 удаагийн гоо сайхын мэс заслын дараагаар Солонгосын савангийн дуурийн хүүхэн шинжит залуучууд шиг болж хувирсан байна.

Гэхдээ энэ нь түүний мөрөөдөл гэнэ. Багаасаа л энэ орны кино урлагийг үзэж шүтсээр сүүлдээ донтжээ. Эцэст нь со од шиг төрхтэй болохоор нэгэнт сэтгэл шулуудсан гэнэ.

Ингээд гоо сайхын мэс заслаараа Солонгосдоо алдартай Dongseo их сургуулийн эмнэлэгт ханджээ. Их сургуулийн эмч нар түүний царайны төрх хамар нүд,уруул, эрүү шанаа гээд бүхнийг нь өөрчилөн жинхэнэ со залуу болгосон.

Нийтдээ 10 удаагийн мэс засалд маш их мөнгө төлжээ. Харин нүдний өнгийг нь л өөрчилж чадсангүй. Xiahn цэнхэр өнгөө дарах гэж линз зүүхээс өөр аргагүй болжээ.

Хэдийгээр 100 хувь шахуу со төрхтэй болж өөрөө сэтгэл хангалуун үлдсэн ч хүмүүс гайхаж хачирхан хүлээж авдаг болсон. Одоо ч хүмүүс түүнийг осол гэмтлээс болж царай төрхөө өөрчилсөн байх хэмээн асууж шалгаадаг хэвээрээ гэнэ.

Сониуч хэрэгт дуртай хүмүүсээс залхахдаа нүдний шил зүүж малгай өмсөж захаа босгож явдаг болжээ. "Гоо сайхан" солонгос төрхөөрөө гэртээ тольны өмнө нь л бахархан эргэлддэг гэнэ.

НУУЦ.мн