Нууц мэдээллийн уурхай

Mashable-д бичсэнээр төгсөлтийн үдэшлэгийн өмнө өөрийг нь хаяж зарцуулсан мөнгөө нэхсэн өөдгүй залууд Мария гэдэг бүсгүй таарсан хариуг нь барьжээ.  Тэр хоёр 11 сар буюу бараг нэг жил үерхсэн гэнэ. Гэтэл залуу нь Мариягийн төгсөлтийн баяраас долоохон хоногийн өмнө харилцаагаа тасалж байгаагаа хэлжээ. Бүр нэг сургуулийх нь өөр нэгэн бүсгүйтэй болзож эхэлсэн байна. Түүнтэйгээ хамт төгсөлтийн баярын үдэшлэгт очно гэдгээ ч хэлжээ. Гэтэл Мария найз залуутайгаа төгсөлтийн баяртаа явахаар бүхнийг бэлдэж байсан аж. Баярых нь өмнөхөн хаясан залуу бүр өөдгүй зан гаргаж төгсөлтийн баярт нь хүргэх буцааж авах унааны мөнгөө хүртэл нэхсэн гэнэ. Энэ мөнгийг экс нь урьдчилан төлсөн байжээ. Одоо тэрээр шинэ найз бүсгүйнхээ унааны зардлыг даах тул ийнхүү мөнгөө буцаан нэхэж хурдан өгөхийг шаардсан гэнэ. Хөөрхий бүсгүйд мөнгийг нь буцаан өгөхөөс өөр арга байсангүй.  Гэхдээ гомдож хорсохдоо зүгээр ч нэг өгсөнгүй. Тэрээр 95 долларыг нь дөрвөн том боодол задгай зоосон мөнгө болгож бэлджээ.

Дараа нь дөрвөн шилэн саванд хийж зурвас бичиж наагаад гэрийх нь хаалганы үүдэнд орхиод явжээ.

Энд чиний надад өгсөн 95 долларын чинь цент бүр чинь бий. Төгсөлтийн баярт сайхан цэнгээрэй.

НУУЦ.мн