Сайд Ж.Батсуурь: 29 дүгээр сургуулийн асуудал надад хамаагүй
БСШУС-ын сайд Ж.Батсууриас Нийслэлийн 29 дүгээр тусгай дунд сургуулийн сурагчдын эрх онц ноцтойгоор зөрчигдөж буй асуудлын хүрээнд ярилцлага авах хүсэлт тавихад “Энэ талаар одоо яримааргүй байна. Ирэх долоо хоногоос ярилцлага өгье” гэж хэвлэлийн төлөөлөгчөөрөө хэлүүлжээ. Энэ нь “Ийгл” телевизийн “Эрэн сурвалжлагч” нэвтрүүлгээр 29 дүгээр сургуулийн сурагчдын талаархи ноцтой баримт сөхөгдсөний маргааш болсон үйл явц юм. Тэрээр тухайн өдөр Сонгинохайрхан дүүрэгт ажиллаж таарав. Мөнхүү ойрын өдрүүдэд орон нутагт ажиллах бэлтгэл ажлаа базаагаад, тун завгүй байгаа талаар яамнаас нь учирлалаа. Маргааш нь Засгийн газрын хуралдаантай байсан тул Ерөнхий сайдын өрөөний үүдэнд хүлээж байгаад, дахин яриа өгөхийг хүсэхэд “Энэ асуудал надад хамаагүй. Нийслэлийн боловсролын газраас асуу” гэв.
Medee.mn
