Нууц мэдээллийн уурхай

Бүтэлгүй хүмүүсд ажил даалгах ийм л аюултай аж. NUR.KZ-д мэдээлснээр сүйт бүсгүйн хулгайчид том андуурч нөхөртэй эмэгтэйг хулгайлаад долоон жил хоригдох ялаар шийтгүүлэхдээ тулжээ. Энэ явдал Жамбылск мужийн Тараз хотод болжээ. Хажуугийн Т.Рыскуловский  мужаас сүйт  бүсгүй хулгайлах даалгавартай ирсэн бүлэг залуус “олзоо” удтал дагасны эцэст хүнгүй гудамжин руу ороход нь дайрч хүчээр «Митцубиси Харизма» машинд суулган давхижээ. Тэд дөрвөн цаг гаруй давхин  хүргэнийд ирэхэд харанхуй болсон байна гэнэ. Гэтэл тэд буруу хүүхэн хулгайлаад ирсэнийг тогтоож учрыг нь  олох гэсээр байтал шөнө өнгөрчээ. Үүрээр л хулгайлах ёстой бүсгүйг авчираагүй болох нь нэгэнт тодорхой болж ажиллагаа нурсан ойлгомжтой болжээ. Арай гэж хулгайлаад дээр нь олон цаг давхиж авчирсан хүүхэн нь өнөөх 19-тэй бүсгүй биш харин нөхөрд гараад долоон жил болсон, хоёр ч хүүхэд төрүүлсэн эмэгтэй байж таарсан гэнэ. Өглөө нь эргэж давхин эмэгтэйг хотод нь авчирчээ. Замдаа бэлэг сэлт өгөхөөр амлаж цагдаад хандахгүй байхыг сануулжээ. Гэсэн ч нөхөр нь аль хэдийн цагдаад мэдэгдсэн байжээ. Түүнээс гадна хулгайлсан нөхдүүд амласан бэлгээ өгсөнгүй гэнэ. Удалгүй хоёр хотын цагдаагийн газар хамтран бүтэлгүй хулгайчдыг баривчилсан байна. Тэдэнд хүн хулгайлсан хэргээр долоон жил ял төлөвлөсөн гэнэ.
 

NUUTS.mn