Ц.Гарамжав хэвлэлийн эрх чөлөөнд халдсан саналаа татаж авчээ
Өчигдрийн гол дуулиан нь хэвлэлийн эрх чөлөөнд халдах гэсэн явдал байлаа. Дуулианы эзэн УИХ-ын шинэхэн гишүүн Ц.Гарамжав юм. Тэрээр хэвлэл мэдээллийн хэрэгсэл, цахим орчинд гүтгэсэн бол иргэнийг 10, сая аж ахуйн нэгж байгууллагыг 100 сая төгрөгөөр торгох заалтыг санал гаргаж зориуд оруулсан. Хэвлэл мэдээллийн амыг эрэх барих дөрвөн жилдээ нам дарж авах гэсэн далд санаатай ийм заалттай Зөрчлийн хуулийг боловсруулсан эзэд нь Сонгинохайрханы шинэхэн гурван гишүүн болох Ц.Гарамжав, Х.Нямбаатар, Н.Учрал нар юм.
Ерөнхийдөө намын архагууд нь тэднээр муу нэртэй хар ажлаа хийлгэсэн нь улстөрийн “туршлагатай” Д.Сумьяабазар ажлын хэсэгт нь ороогүйгээс харагдаж байна. Улстөрд орж “үхэхээс бусдыг” үзсэн хүн ийм юманд хутгалдаж болохгүй гэдгээ мэднэ. Харин шинэхэн гишүүд нь гэнэхэн болохоороо гүйгээд орчихжээ. Ийнхүү тэд чөлөөт хэвлэлийг эсэргүүцэгч гэдэг хусавч арилгахгүй нэрийг өөртөө наагаад авсан. Өдгөө саналаа татаж авсан ч энэ нэр нь салахгүй. Гол санал гаргасан Ц.Гарамжав саналаа яаран татжээ.
Түүний хувьд хүний нэр төр мөнгөөр үнэлэшгүй гэж үздэг юм байна. Энэ үнэн. Нэр төрөө хадгалж чадах эсэх нь хувь хүнээс өөрөөс нь шалтгаална. Нэр төртэй үнэ цэнэтэй байхыг хүсвэл өрөө л төлчих хэрэгтэй
НУУЦ.мн
Энэ сэтгүүлчид өөрсдийгөө нээх чөлөөт хэвлэлийн төлөөлөгчид гэж боддог юм байх даа. Бүгд худалдагдсан байж. Ичээч!