Нууц амрагаа тансаглуулах мөнгөгүй эр нислэг цуцлуулахын тулд террорист халдлагын дуудлага өгчээ
Нийтэлсэн: 2017-04-26 03:15:34
Mashable-д бичсэнээр нууц амрагаа амралт зугаалгын Мумбаи хотод аялуулах мөнгөгүй дунд насны энэтхэг эр нислэг цуцлуулахын тулд алан хядах ажиллагааны хуурамч дуудлага өгөөд баригджээ. Хайдарабада мужийн Ченнай хотын Мотапарти Вамши Кришна гэдэг энэ эр эхнэр хүүхэдтэй ч 23 настай залуухан нууц амрагтай байжээ. Амрагаа алдахаас айн элдвээр эрхлүүлж тансаглуулдаг байсан гэнэ. Тэрээр нууц амрагтаа нэгэнтээ Мумбаи хотод үлгэрийн юм шиг романтик аялал хийх тухай ам алджээ. Цаг хугацааг нь тохирчээ. Бөглүүхэн хотоосоо гарч үзээгүй бүсгүй ихэд баярлаж амлалтыг нь байн байн сануулах болсон байна. Гэсэн ч савсаг эрд санхүүгийн боломж нь гарсангүй. Аялах хугацаа тулахад түүнд ердөө нисэх онгоцны тасалбарын л мөнгө байжээ. Зардлын мөнгөгүй гэдгээ хэлж чадалгүй бантахдаа ичсэн нүүрэндээ тийз худалдан авчээ. Ингээд л арга мухардаж аялалыг болиулах элдэв арга сэдэж эхэлж. Эцэст нь нислэгийг цуцлуулахаар шийджээ. Тэр дороо хотын нэгэн интернет кафенаас Ченнай-Мубай чиглэлийн нислэгийн онгоцыг дэлбэлэх гэж байна, нисэх буудлын хажууд сэжиг бүхий хүмүүс энэ тухай ярьж байгааг санаандгүй сонслоо гэсэн утгатай мессжэийг цагдаагийн газрын сайт руу илгээжээ. Цагдаа хүчнийхэн тэр дороо түргэн авч хамгаалалтыг чангатгаснаас гадна нислэгийг цуцалжээ. Гэсэн ч мэдээлэл хуурамч болох нь тогтоогдсонд мессэж илгээсэн компьютерийн ID хаягаар хаанаас явуулсныг нь тогтоожээ. Интернет кафены камерийн бичлэгээр хэн илгээсэн болохыг нь олоод Мотапарти Вамши Кришнаг дор нь баривчилжээ. Өдгөө тэрээр хорих ялаар шийтгүүлэхээс гадна нислэг цуцлуулснаас учирсан хохирлыг төлөх гээд Мумбаин аялалаас хамаагүй их хэмжээний мөнгө гаргах төлбөрд унаад байна.
НУУЦ.мн
