Нууц мэдээллийн уурхай

Il Giornale Italiano-д мэдээлснээр Ром хотод гайхалтай нэгэн явдал болжээ. Бие үнэлэгч авах гэсэн 49 настай эр алдарт ягаан гудамж болох Via Cristoforo Colombo-д эхнэртэйгээ халз таарчээ. Бөөн бөөнөөрөө зогсох биеэ үнэлэгчдээс тэрээр богино банзал урт өсгийт өмссөн нэгэн бүсгүйг сонгон очиход тэр нь эхнэр нь байж таарчээ. Гэнэтийн явдалд цочирдсон эр хэсэг зуур мэлэрсэн ч дараа нь ухаан орж галзууртлаа уурлан машинаасаа буун эхнэрээ барьж аван зодож гарчээ. Энэ үед бусад бие үнэлэгчид нөхөр лүү нь дайрч бөөн зодоон дэгдэж цагдаа ирж салгажээ. Мөрдөн байцаалтаар энэхүү санаанд оромгүй явдлын нарийн ширийн зүйлүүд тодорхой болсон байна. Тухайн өдрийн өглөө нь итали эр бие үнэлэгчтэй жаргахын тулд эхнэрдээ орой нь ажлын газрын нийллэгтэй, хол газар болох тул ирж амжихгүй найзындаа хононо хэмээн урьдчилан сануулсан байжээ. Нөхрөө ирэхгүй гэж баярласан эмэгтэй боломжийг алдахгүй тулд шөнийн ажилдаа гарчээ. Бүр нэлээд хэдэн жил энэ мэргэжлээр ажиллаж байгааг цагдаа нар тогтоожээ. Харин нөхөр нь мэдээгүй явсан гэнэ.
 

NUUTS.mn