О.Баасанхүүг Төрийн ордны өрөөнөөс нь хөөжээ
Хэдхэн хоногийн өмнө УИХ-ын даргын ивээлд багтан Япон хамт явж мандаж байсан УИХ-ын гишүүн О.Баасанхүүг өрөөгөө суллаж өгөхийг шаардсан тухай мэдээллийг өөрийн цахим хаягаараа дамжуулан олон нийтэд хүргэжээ. Тэрээр “Өнгөрсөн долоо хоног нэлээд шүүмжлэлтэй, дайралттай болж өнгөрсөн. Би “Төсвийн хэмнэлт хийгээч, олон тасалгаатай өрөөгөө багасгах зэргээр хэмнэлт гаргаач” гэсэн байр суурь илэрхийлсэн юм. Мөн өнгөрсөн долоо хоногт Хөрөнгө оруулалтын банкны тухай хууль орж ирсэн. Хэлэлцүүлгийн үед “Монголд зээл олгох банк олон бий. Хамгийн гол нь Монголд Хятадын банк орж ирээд мега төслүүд, төмөр замыг зээлийн барьцаанд авах гээд байна” гэж хэлсний төлөө намайг нэр төрөөр доромжлох, гүтгэх гээд олон зүйл болсон. Өнөөдөр өглөө ажилдаа ирсэн чинь Төрийн ордонд байдаг өрөөнөөс минь хөөх албан ёсны бичиг гарсан байна. Тийм учраас би төрийн ордны булангийн коридорт суух гэж байна” гэв. Тэрээр 11:30 цагт энэ талаараа сэтгүүлчдэд мэдээлэл хийнэ.
