Нууц мэдээллийн уурхай

Варвикшир гүнлэгийн Уортон хотод хуучин машины наймаа эрхэлдэг 32 настай Адам Лэпвортын түүх хоёр зүйлээрээ олон нийтийг гайхшруулжээ.

Тэрээр баригдана гэдгээ мэдсээр байж зугаацаж байсан зургуудаа цахимаар цацсан. Дараа нь мөнгө нь дуусангуут нутагтаа ирээд хуулийнханд өөрөө очжээ. Хуучин машины наймаа эрхэлдэг эр хэд хэдэн хуурамч компани байгуулаад татварын буцаан олголтын мөнгийг хууль бусаар авчээ. Цагдаа нарын мэдэгдсэнээр амархан илрэх сүлжээ маягийн охин компаниуд байгуулсан аж. Энэ луйвраараа 240 мянган фунт буюу 340 мянган долларын буцаан олголт авч чадсан ч татварынхан залиланг нь хялбархан илрүүлээд дуудсан байна. Харин Адам очсонгүй. Татварынханд Тайландад амарчихаад ирнэ гэж нисэх буудлаас утасдаад мөнгөө аван шууд нисжээ. Ингээд шоудаж зугаалж цэнгэж наргиж ёстой хөлөөрөө толгой хийнэ гэгч болжээ.

Цахим хуудсандаа зугаалгынхаа өдөр бүрийн зураг бичлэгийг оруулж явжээ. Зурагт гарсанаар тэрээр бааранд ууж диско клубд бүжиглэж усан санд жоохон охид цэнгэж  наранд шарж далайд сэлж байжээ. 

Харин Англидаа ирсэн хойноо мөнгөө хэрхэн үрсэнээ нарийн тодорхой тайлагнасан байна. Татвараас хулгайлсан 240 мянган фунтаас сохор зоос ч үлдсэнгүй. Тайландад амрахдаа нийтдээ 100 мянгыг зарцуулжээ. 78 мянгаар нь казинод тоглоод алджээ. 19 мянгаар нь амрагласан хүүхнүүддээ үнэтэй бэлэг авч өгсөн  гэнэ.

60 мянган фунтээр нь хар тамхи авч татсан байна. Түүнээс гадна 895 фунтээр нь зочид буудлын төлбөртэй суваг болох порно кино мөн онлайн-порно үзсэнээ хүртэл мэдүүлжээ.  Харин Бирмингемийн шүүх түүнд 2,5 жилийн хорих ял оноожээ.
 

NUUTS.mn