Нууц мэдээллийн уурхай

Le Temps-д мэдээлснээр Швейцарийн Женев хотын нэгэн хувийн эмнэлэгт аймшигт хэрэг гарчээ. Хохирогч хүүгийн эцэг эх нь эмчийг албан үүрэгдээ хайнга хандсан хэмээн буруутгаж байгаа бол эмч эргээд өөрсдөөс нь болсон гэж биеэ өмөөрчээ. Нэгэн лалын шажинт гэр бүл заншил ёсоор хүүгийнхээ хөвчийг тасдуулахаар уг эмнэлэгт ханджээ. Хөвч хөндөх үеэр аав нь бичлэг хийж зураг авна гэсэн байна. Эмчийг ажилдаа орох үед аав нь ч зураг авах бичлэг хийх ажилдаа оржээ. Гэтэл яг хөвчийг нь таслах чухал мөчид аав нь гэрэл зургийн аппаратаараа чангаар шаржигнуулан дуугаргажээ. Энэ чимээнээс л болж хүүгийн анхаарал татагдан гэнэт хүчтэй хөдөлснөөс эмчийн барьж байсан мэс заслын энэ багаж хальтирч золгүй  хэрэг гарчээ.

Дөрвөн настай хүүгийн шодойн толгойн хэсэг нь хурц хутганд тасарчээ. Өдгөө хоёр ч удаагийн мэс засал хийлгэсэн хүүгийн биеийн байдал дээрдсэн гэнэ. Мэс засалчийн өмгөөлөгч хэргийг золгүй учрал санаандгүй тохиолдол болсон хэмээн өргөдөл гаргасан байна.
 

NUUTS.mn