Нууц мэдээллийн уурхай

УИХ-ын болсон орон нутгийн сонгуульд илт давуу ялсан МАН ялалтандаа сэтгэл ханалгүй нэг дүүрэг, нэг сумын Засаг даргын суудлын төлөө ч үхэн хатан тэмцэлдэж байна. Хөдөөд Сүхбаатар аймаг, хотод Баянзүрх дүүргийг дурдаж болно. Баянзүрхийн Засаг даргыг хүчээр ааглаж авах гээд  хотын дарга нь өөрө онигооны баатар болоод дууслаа. Илт давуу ялсаны хувьд цөөн ялалттай сөрөг хүчнээ хүлээн зөвшөөрчих улстөрийн соёл тэвчээр тэдэнд алга.  Су.Батболд нь дүүргийн Засаг даргыг намдаа хүчээр авах гэсэн шиг Дорноговийн Засаг дарга Т.Энхтүвшин нь сумын удирдлагыг бас авах гэж намчирхал ялгаварлан гадуурхалтын дээд жишээг үзүүлж сууна. Тус аймгийн Айраг суманд АН ялсан нь сонгуулийн бодит дүр дүн юм. Сумын ИТХ-ын 21 суудлын 16 нь авсан. Улмаар 2016 оны 11-р сарын 2-ны өдөр анхдугаар хуралдаанаа хуралдуулж 01/04 дүгээр тогтоолоор төлөөлөгчдийн 70 хувийн санал авсан С.Ганбаатарыг  сумын Засаг даргад томилуулахаар тогтож, холбогдох тогтоолыг Дорноговь аймгийн Засаг дарга Т.Энхтүвшинд хүргүүлжээ. Сар гаруйн дараа нэр дэвшигч болон ИТХ-ын дарга хоёрыг  аймгийн Засаг дарга Т.Энхтүвшин нь өрөөндөө дуудаж улстөрийн тулгалт хийжээ. Намчирхагч Засаг даргатай хамт  аймгийн Засаг даргын орлогч Г.Эрдэнэцэцэг, аймгийн ИТХ-ын тэргүүлэгч Н.Бүрэнбат нар байсан аж. Н.Бүрэнбат нь МАн-ын гишүүн, аймгийн ИТХ-д Айраг сумаас сонгогдсон. Засаг даргатан С.Ганбаатарыг сумын орлогч дарга бол, МАН-ын бодлогоор ингэж шийдсэн, би хэдийгээр аймгийн Засаг дарга ч аймгийн Монгол Ардын намын дарга, манай тэргүүлэгч, намын гишүүд нэгэнт шийдсэн гэж тулгажээ. АН-ын хоёр ч сумын ард түмний сонголтыг үндэслэн хүлээн авахгүй гэдгээ илэрхийлжээ. Ийнхүү дараа Ардын намыхны “зөвшилцөл” гэж нэрлэсэн уулзалт нь санаснаар нь болсонгүй. Нэгэнт амаар хэлээд болоогүй тул хүчээр авахаар шийдэж боож хааж эхэлжээ. Сумаас ирүүлсэн бичигт хару өгөхгүй болохоор нь ИТХ-ын 2-р хуралдааны тогтоолыг явуулсанд эхний бичигт хариу өгөөгүй байхад ахин тогтоол явууллаа гэсэн хариу өгөөд таг болжээ.Т.Энхтүвшин нь ийнхүү удааж “мартагнуулж” байгаад он гармагц сумын ИТХ-ээс нэрийг нь дэвшүүлээгүй Л.Мөнхжаргалыг Айраг сумын Засаг даргын үүрэг гүйцэтгэгчээр томилсон захирамж гарчээ. Аймгаас өнөөх Засаг даргын орлогч Г.Эрдэнэцэцэгээр ахлуулсан комисс ирж ажлыг хүлээлцүүлсэн гэнэ.  Ингэж МАН энэ суманд төрийн эрхийг дээд даргын шийдвэрээр хүч түрэн авчээ. Хууль ёсны сонгуулийн үр дүн, сумын иргэдийн сонголт тэдэнд юу ч биш болж. Харин ч өөрийн талын хүнийхээ хуурамч бичиг баримтыг  2016 оны 12-р сарын 23-ны өдрийн Б/2079 тоотоор  аль хэдийн АТГ руу явуулж дүгнэлт гаргуулаад авчихсан байжээ. Ардын намыхан газар сайгүй хүч түрж хүчээр ааглаад эхэлжээ. Гэтэл ийм занд ард түмэн дургүй. Т.Энхтүвшингийн намчирхсан ялгаварлалтаас болж дорноговьчуудын дийлэнхи хэсэг нь ерөнхийлөгчийн сонгуульд АН-ын талд саналаа өгөхөөр эргэж байна.

НУУЦ.мн