Нууц мэдээллийн уурхай

Энэ долоо хоногийн шилдэг хууралт ийнхүү баригдлаа. Сангийн сайд Б.Чойжилсүрэнгийн төсвийн тодотголыг хэлэлцэх үед чуулганы танхимд хэлдэг ганц үг нь “ОУВС зөвлөсөн, ОУВС шаардсан” байлаа. Энэ үгээр олон чурал асуултуудыг хаасан. Тэр тусмаа долоон төрлийн татвар нэмэх, хүүхдийн мөнгө хасах асуудлууд Засгийн газрын оруулж ирсэнээр батлагдлаа. Харин хүххдийн мөнгийг хасуулахгүй байх, дэд сайдуудыг цомхотгох нь унаснаар иргэдийн хүлээлт талаар болсон. Төсвийн тодотгол мөнгөний бодлогийг ОУВС-гийн шаардлагад нийцүүлэн хийснээ Сангийн сайд нуугаагүй. Зээл авахын тулд, хөтөлбөрт хамрагдахын тулд аргагүй үгийг нь дагалаа хэмээн байнга ам таглаж байсан. Гэсэн ч худлаа байжээ. Дээрх олон асуудлыг тэр тусмаа татвар нэмэхийг Засгийн газар өөрөө санаачилсан болохыг ОУВС-н суурин телеелегч Нийл Сакер баталжээ.

Тэрээр  “танай Засгийн Газар еерсдийн боловсруулсан татвар нэмэх бодлогоо бидэнд санал болгож танилцуулсан”гэсэн байна. Ийнхүү Сангийн сайдтан хоёрхон алхамын газар худлаа хэлээд баригдлаа. Хүүхдийн мөнгийг хассан атлаа сайдуудын багцыг тэрбум тэрбумаар нь нэмлээ. Татвар нэмсэн атлаа ямар ч хэрэггүй дэд сайдуудыг цөөлсөнгүй. Ийнхүү хүүхдийн мөнгө хулгайлж намын нөхдөө “тэжээдэг” тогтолцоогоор ахин нэг жил явах нь...Харин энэ өдрүүдэд намых нь генсек Д.Амарбаясгалан нь “өнөөдөр Монгол Ардын Нам хариуцлага ёс зүйг манлайлах шаардлагатай байна” хэмээн гоё үг хэлээд сууж байгаа нь бодит байдалтай ерөөсөө нийцэхгүй нь гачлантай.
 

НУУЦ.мн