Ч.Хүрэлбаатар: Бүгдээрээ ичиж амьдрах хэрэгтэй
.jpg)
УИХ-ын Төсвийн байнгын хорооны хуралдаанаар Монгол Улсын 2017 оны төсвийн тодотголын хоёр дахь хэлэлцүүлгийг хийж байна. Энэ үеэр УИХ-ын Төсвийн байнгын хорооны дарга Ч.Хүрэлбаатар “Төсвийн тодотголд шинээр обьект барих, шинэ хөрөнгө оруулалт тавих зардлыг тусгахгүй” гэдгээ илэрхийлэв. Харин УИХ-ын гишүүн Ц.Даваасүрэн эсрэг байр суурь барьж буйгаа мэдэгдсэнд Ч.Хүрэлбаатар дарга “Ц.Даваасүрэн чамайг төсөв барьж байх үеийнх шиг энэ төсвийг дампууруулахгүй. Чиний бурууг засах гэж оролдож байна” гэсэн юм. Гэвч санал хураах үед сайд нарын зардлыг бууруулах ажлын хэсгийн санал дэмжлэг хүлээсэнгүй уналаа. Үүнд Ч.Хүрэлбаатар гишүүн бухимдаж “Хүүхдийн мөнгийг хасах хэрнээ сайд, дарга нарын зардлыг хасахыг дэмжсэнгүй. Бүгдээрээ ичиж амьдрах хэрэгтэй” гэсэн юм. Мөн УИХ-ын гишүүн Л.Энх-Амгалан нарын төсвийн үр ашгийг дээшлүүлэх хүрээнд төсвийн урсгал зардлыг бууруулж, төсвийн тодотголыг батлах тухай зарчмын байр суурь нь гишүүдийн дэмжлэг хүлээсэнгүй унав. Энэ асуудалд УИХ-ын гишүүн Ч.Улаан “Төсвийнхөө үр ашгийг дээшлүүлж, төсвөө баталъя гэсэн, Ерөнхий сайд ч хэлсэн, бүлэг дээр яриад дэмжсэн. Гэтэл бүлгийнхээ дэмжсэн саналыг унагаж байгааг чинь юу гэж ойлгох вэ” гэж бухимдлаа илэрхийллээ.
NUUTS.mn
