Нууц мэдээллийн уурхай

«Нью-Йорк пост»-д мэдээлснээр 37 настай Шейн Даффи,  28-тай Том Салливан гэдэг хоёр эр хогийн том  чингэлэгийг орон гэргүй хүмүүсдээ л тансаг хаус гэхээр тохижуулан гэрэлтүүлэг дулаалгатай болгон Тринадад-Тобакогоос гаралтай орон гэргүй залууг оруулжээ.

Тэд өнгөрсөн оны 11-р сард буяны үйл ажиллагаанд хандив цуглуулахаар тэнэмэл гуйлгачин хүмүүсийн дурд хувилан явж байхдаа сүүлийн долоон жил гэр оронгүй тэнүүчилсэн Дамиан «Дин» Каммингс гэдэг эртэй танилцжээ. Өөрсдийг нь өөрийн адил орон гэргүйчүүдийн нэг гэж бодсон эр тэдэнд тусалж бас “туршлагаасаа” хуваалцсан гэнэ. Хариуд нь хоёр залуу түүнийг ямар нэгэн байдлаар өвлийг давах орох оронтой болгож өгөхөөр шийджээ. Ингээд байрных нь хажууд буюу  Манхэттений Спринг-стрит гудамжинд байдаг өргөнөөрөө 1,2 м, өндрөөшөө 1,8 м хэмжээтэй хогийн том чингэлэгийг сонгож аван тохижуулжээ.

Тэд чингэлэгт нарын зайгаар ажилладаг гэрэлтүүлэг, дулаалга хийж засаж янзалсан байна.

Хоёр талд нь цонх гаргаж өгчээ. Мөн дулаан хучлага хөнжил хоолны хэрэгсэл өгчээ.

Хоёр залуу орон гэргүй найздаа байр бэлдэхэд нийтдээ 1500 доллар зарцуулсан гэнэ. Каммингс шинэ гэрээ үзээд тун их баярлажээ.

-Сэтгэгдэл тун өндөр байсан. Гэртээ байхад хоноход ямар ч аюулгүй, дулаахан тохилог-

Одоо тэр хоёр Каммингсийг цагаачлагчийн эрхтэй, албан ёсны бичиг баримттай болгоод ажилд оруулахаар хөөцөлдөж байгаа гэнэ.

NUUTS.mn