Х.Нямбаатар гишүүн том бай л даа...
УИХ-ын гишүүн Х.Нямбаатар өөрийнхөө нэрэмжит АХА тэмцээнийг эмч нарын дунд зохиожээ. Дэлхийн эмч нарын баярын өдөрт зориулсан гэнэ. Бүр өөрийнхаа зурагтай логог хадсанаас үзэхэд ихээхэн ач холбогдол өгсөн нь илт. Гэтэл байгууллагийн хэмжээнд болох АХА тэмцээн нь бодлогийн том салбар ажиллах учиртай УИХ-ын гишүүний зиндаатай дэндүү тэнгэр газар шиг зөрөлдөж байна. Энэ мэт нь дүүргийн ИТХ-ын төлөөлөгчийн хийдэг “ажил”. Ядаж Сонгинохайрхан дүүргийн хэмжээний АХА тэмцээнийг ивээн тэтгэсэн бол өөрийгөө ингэж сурталчилж болно. ИТХ-ын хурлаас Их хуралд ирсэн гишүүн дүүргийн түвшинд сэтгэдэг хэвээрээ л байна. Эхний жилийн ажил талдаа орж байхад энэ гишүүн олонд хүрэх хоёр л үг хэлсэн санагдана. Эдийн засаг хямарч байхад шударга наадам үзмээр байна гэсэн нь ёстой цаг үеэ олоогүй. Хэрвээ үндэсний бөхийн төлөө хоёргүй сэтгэлээр зүтгэх гээд байгаа бол Их эе гэгчид нь сонгогдоод ажиллах хэрэгтэй. Мөн сэтгүүлчдийг шийтгэх гэсэн Ц.Гарамжавын саналыг бараг л хоёр гараа өргөх нь холгүй дэмжиж байсан. Өөрөөр ч олны “танил” болсон юм алга.
НУУЦ.мн
