Нууц мэдээллийн уурхай

УИХ-ын хаврын чуулганд Ерөнхийлөгч Ц.Элбэгдорж үг хэллээ. Түүний хэлсэн үг, тавьсан илтгэл нь ямаг “гоё” байдаг. Энэ удаад гол дайралтыг Мэргэжлийн хэмээн Засгийн газар лүү чиглүүлжээ. Хэлсэн үгнээс онцлоход “...Бяд муутай засагтай Монголчууд бид хол явахгүй. Хол явах биш, одоо бол бүр урагшлахаа ч болилоо.Чадвартай Засгийн газар л улс орныхоо өмнө тулгамдаж байгаа асуудлыг шийдвэрлэж чаддаг. Чадвартай Засгийн ажлаас үр дүн гардаг. Үр дүн нэхэж шаардаж болдог. Чадвартай засаг л хариуцлагатай байдаг. Хариуцлагатай засагт түншүүд нь итгэдэг. Хамгийн үнэтэй зүйл бол итгэл. Аль ч засгийн хувьд. Гэтэл манай улсын Засгийн газарт итгэх итгэл, тэр үнэт зүйл-итгэл дотроо ч, гаднаа ч бараг алга...” гэв. Ийнхүү Засгийн газар дотооддоо нэр хүнд нь унасан, гадааддаа нэр нүүрээ барсан болж таарлаа. Хэлсэн үгний утгаас харахад Засгийн газрыг унагахыг, Ерөнхий сайдыг өөрчлөхийг өдөөгөөд уриалаад байгаа мэт... Засгийн газраараа тоглоод дандаа алддаг бурууддаг АН-ын үлгэр лүү Ардын намыг түлхээд ч байгаа юм шиг... Ерөнхийлөгчийн “одоо бүр урагшлахаа ч болилоо” гэсэн үг эрх баригчдын зарим хэсэгт нь таалагджээ. Тэд бол дараагийн Ерөнхий сайд, дараагийн Шадар сайдаа дотроо тодруулчихсан яваа тэр хэсэг нөхөд юм. Хэрвээ Засгийн газраараа оролдоод эхэлбэл Ерөнхийлөгчийн сонгуультай манатай юм болно. Эцэст нь хоёр тулаанд хоюуланд нь ялагдаад дуусна. Ж.Эрдэнэбатыг Ерөнхий сайдаар томилогдсоны маргаашнаас нь л шахуу эхэлсэн сул  дорой, үлбэгэр сулбагар гэх пиар ийнхүү Ерөнхийлөгчид хүртэл хүржээ. Ерөнхиийлөгч улам дэврээж байгаа нь сонгуультай холбоотой. Эрх баригчид сонгуулийн өмнө засгаараа оролдоод бужигнавал АН-д л ашигтай.
 

НУУЦ.мн