Нууц мэдээллийн уурхай

Оросууд буриадууд монгол биш гэдэгч хуншгүй зан гаргах, хэлсэндээ хүрдэггүйн тухайд нь монголчууд шиг гэдэг. Дэлхийн 2-р дайнд оролцож гавьяа байгуулсан гэгдэх  “Сибирийн 321-р дивиз” гэдэг УСК-г  Буриадын нэрт найруулагч Солбон Лыдгенов найруулж байгаа аж. Тэрхүү дивиз нь буриад якут гээд Сибирийн уугуул ард түмнүүдээс бүрдсэн байсан гэнэ. Энэ дивиз Сталингардын тулаанаас нэрд гарчээ. Буриадын MonUla Films кино компаний хийж байгаа уг кинонд германы цэргийн дүрд тоглуулахаар Тристан Бумм нарын дөрвөн герман жүжигчнийг урьж Улаан-Үдэд авчирчээ. Гэрээ ёсоор хөлсийг нь өдөрт нь өгөх ёстой байсан ч зураг авалтын өмнө сараар тооцож өгнө гэсэн байна. Нэгэнт 30 үзэгдэлд зураг авахуулаар ирсэн тул зөвшөөрчээ. Гэсэн ч гурван сар өнгөрөхөд ердөө л 7-хон үзэгдлийн зураг авч энэ хугацаанд авах хөлсийх нь 20 хувийг өгчээ. Гайхаш тасарсан Тристан Блум болсон явдлыг цахимаар цацсан байна.

-Буриадад 3 сар болохдоо ердөө 7-хон удаа зураг авалтанд орлоо. Уг нь гэрээ ёсоор 30 зураг авах байсан. Эцэст нь бидэнд тохирсон хөлснийхөө ердөө 20 хувийг өгсөн. Учрыг тодруулах гэхэд продюсерүүдийн нэг Эржэна Тумурава гэдэг буриад эмэгтэй “та нар бол жинхэнэ эрчүүд биш, дайнд ялагдсан үндэстэн ч дээ” гэсэн-

Гомдсон жүжигчдийг буцах гэхэд найруулагч нь аргадан бүх хөлсийг нь төлөхөөр амлаж Волгоград /хуучны Сталинград/ хотод авах зураг авалтанд орохыг гуйжээ. Германчууд ахиад л үзээд алдахаар шийдэж.
Волгоград хотод зураг авахуулсан ч хөлсөө өгсөнгүй.
-Бидэнд зураг авалт эхлэнгүүт хөлсийг чинь өгнө гэсэн ч өгсөнгүй. Зураг авалт дуусахад бидэнд жинхэнэ зангаа харууллаа. Найруулагч нь “Германдаа буцахад арай дөт Волгоградад авчирсанд баярла, одоо буц” гэжээ. Бидний тэсвэр алдагдаж маргалдахад дэлхийн 2-р дайны буруутан хэн болох, мөн хэн ялсаныг сануулсан улстөрийн хэрүүл болгож хувиргасан. Ингээд юу ч авч чадахгүйгээ мэдсэн бид хэд өөрсдийн зардлаараа нутагтаа ирсэн-
 

НУУЦ.мн