Буриад бөө шүтээн модыг нь хуга цавчсан оросуудад хараал хийжээ
Нийтэлсэн: 2017-04-03 07:29:16
Оросын вандалууд Байгаль нуурын шүтээнүүдийн нэг болох Яст мэлхийн гэгддэг аварга хадан дээр ургасан өнчин улиасыг тас цавчин хаяжээ. Энэ явдал саяхан болж зураг нь орон нутгийн цахимаар цацагджээ.
.png)
Гэмт этгээдийг олоогүй ч энэ явдалд захиргааны хэрэг үүсгэсэн байна. Нутгийн буриадууд саяхан энэ хавиар зугаалж аялал хийсэн Оросын хасаг цэргийнхэн гэгч бүлэг этгээдүүдийг хардаж байгаа гэнэ. Тэрх суурингийн хажууд Байгаль нуурын эрэгт орших Яст мэлхийн хад нь манай Тэрэлжийн мэлхий хадтай төстэй. Энэ хад нь эртнээс нааш ариун газар гэгдэж иржээ. Домог ёсоор Байгаль нуурын ёроолд эрт дээр үед аварга яст мэлхий амьдарч байсан аж.
.png)
Буриад бөөгийн домгоор аварга яст мэлхий нь нуурийн цагаан сувднуудыг хар домын хүчнээс хамгаалдаг гэнэ. Яст мэлхийн цулгай хад дээр цор ганц өнчин улиас ургасан байсныг мөн л шүтээн гэж зарлажээ. Гэсэн ч оросууд тас чавчин хаяжээ. Тэрх суурингийн бөө Денис Ильгеев шүтээн улиасыг тас цавчсан буруу номтонд хараал хийжээ. “Хэрвээ муу санаатан нь эрэгтэй хүн бол удам нь өөрөөр нь тасраг” хэмээн хараажээ. Суурингийн иргэд өөдгүй этгээд хатуу цээрлэл амсана гэдэгт итгэлтэй байгаа гэнэ.
NUUTS.,m
