Н.Алтанхуяг: Ерөнхийлөгчид дэвшинэ гэсэн шийдвэртээ хатуу байгаа
Ерөнхий сайд асан Н.Алтанхуяг энэ онд болох Монгол улсын Ерөнхийлөгчийн сонгуульд нэр дэвшинэ гэдгээ албан ёсоор мэдэгдсэн. Мөн түүнтэй адил Ерөнхийлөгчийн сонгууль нэр дэвших магадлалтай АН-ын гишүүд олон байгаа юм. Харин нэр дэвшигчдээ хэрхэн тодруулах талаар АН-аас албан ёсоор зарлаагүй байна.
Гэхдээ нийт гишүүдээсээ санал хурааж нэр дэвшигчдээ тодруулна гэсэн албан бус мэдээлэл бий. Харин Сонгуулийн Ерөнхий хорооноос энэ оны зургаадугаар сарын 26-нд Монгол улсын Ерөнхийлөгчийн сонгуулийн санал хураалтыг зохион явуулна гэсэн тов гаргаад байгаа юм. Тэгвэл өнөөдөр Н.Алтанхуяг өөрийн facebook хаягаараа дамжуулж “Таван сарын өмнө Ерөнхийлөгчид нэр дэвшихээ илэрхийлснээс хойш олон л юм боллоо. Мохоох гэж янз бүрээр л оролдож байна. Гэсэн ч би нэр дэвшинэ гэсэн шийдвэр дээрээ хатуу байгаа” гэж мэдэгдлээ.
НУУЦ.мн
