Нууц мэдээллийн уурхай

Одоогоос гурван жилийн өмнөөс Техас мужийн Клир хотын иргэн Жинжэр Спраус гудамжны нэг л газарт байнга байдаг орон гэргүй эрийг анзаарчээ. Тэрээр өвөл зуны цас бороотой ямар ч үед тэр л газраа сууж хэвтэж эсвэл зогсож байдаг гэнэ.  Гайхаж тасарсан эмэгтэй нэгэн удаа явдал дундаа зогсон тэнэмэл эрийг дуудаж учрыг нь асуухад тэрээр сэтгэл өвтгөм түүхээ ярьж өгчээ.

32 настай Виктор Хаббард нь үе үе хөдөлдөг сэтгэцийн хүнд хэлбэрийн өвчтэй гэнэ. Өвчин нь хөдлөөгүй үедээ тэрээр жирийн нэгэн шиг л байдаг. Өдгөө 32 настай түүнийг гурван жилийн өмнө нь ээж аав болон гэрийнхэн нь энэ газар машинаасаа буулгаад тэр чигт нь орхин явжээ. Ийнхүү сэтгэцийн өвчтэй эр гэрийхнийгээ буцаж ирж авахыг нь хүлээн энэ л газартаа гурван жилийн өнгөрөөж байгаа аж. Гайхалтай нь Жинжэр ч өөрөө сэтгэцийн бас нэгэн өвөрмөц хэлбэрийн гутралын өвчтэй хэмээн оношлогдсон нэгэн байжээ. Тийм ч учраас хар арьст эрийн зовлонг сэтэгл зүрхээрээ мэдрэн хүлээн авсан гэнэ.

Тэрээр өвчин шаналал нэгтэй Викторыг байнга эргэж тойрсоор тэд найз нөхөд болжээ. Жинжэр шинэ найзаа өөрийнхөө тогоочийн дамжаанд суулгаж мэргэжилтэй болгож байгаа гэнэ.

Мөн эрүүл мэндийн иж бүрэн шинжилгээнд оруулж муудсан нүдэнд нь шил тааруулж өгчээ.

Гэртээ урьж нөхөртэйгээ танилцуулснаар тэд гэр бүлийн найзууд болжээ.

Спраусынхан фэйсбүүкд «This is Victor» гэдэг хуудас нээн хяагдмал эрийн шинэ амьдрлын тухай өгүүлж эхэлсэн байна.  Виктор цагаан арьст эмэгтэйг аврагчаа хэмээн үздэгээ  хэвлэлийнхэнд ярьжээ
 

NUUTS.mn