Нууц мэдээллийн уурхай

Хан-Уул дүүргийн 12-р хороо, 52 дугаар байрны ...  тоотод 30 настай залуу хамт архи уусан 4-тэй эмэгтэйг зэрлэгээр зодож тарчлаасан аймшигт хэрэг гарчээ. Өмнө нь ял шийтгүүлж байсан Хиад боржигин овогт Ч.Г нь өөрийн хохирогчийг биеэ хамгаалж чадахгүйг мэдсээр байж нүүрэн тус газар нь олон удаагийн үйлдлээр цохиж, зодож онц харгис хэрцгий аргаар буюу зүүн талын хоншоор ясны урд, дотор, ар хана, зүүн нүдний ухархайн урд, доод, дотор, гадна, хана, суурь ясны бага далавч ясны хугарал, зүүн хацар ясны нумны хоёрлосон хугарал, эрүү ясны зүүн углуурга хэсэгт, зүүн талын 3-9 дүгээр хавирга суганы урд, 9-12 дугаар хавирга далны хугарал,мултрал , цус хуралт, зөөлөн эдийн няцрал зэрэг олон тооны гэмтэл учруулжээ. Мөн хүч хэрэглэхээр заналхийлэн монетон бөгж, ээмэг зэргийг дээрэмдсэн байна. Шүүгдэгчийн мэдүүлснээр согтуу явж байгаад байрныхаа хажууд байдаг “Сүрлэн” нэртэй төвийн үүдэнд  танихгүй ахимаг эмэгтэйтэй тааралдсан гэнэ. Хамт архи уухыг санал болгоход нь зөвшөөрчээ. Залуу  0.33-ийн Хараа нэртэй архи аваад эмэгтэйг дагуулаад явахад араас нь 60 орчим насны бас нэг эмэгтэй дагаад байсан нь хохирогч байжээ. Тэд хоёр шил архи уусан, эцэст нь юу болсоныг санахгүй байна хэмээн садист залуу мэдүүлжээ. Гайхалтай нь тэр өдөр хохирогч төрсөн дүүтэйгээ хамт явж байсан гэнэ. Дүү нь согтоод хаяад явсан агаад тэрээр зэрлэг залуутай ганцаараа үлдээд ийнхүү эрүүл мэндээрээ хохирчээ. Болсон явдлын тухайд хохирогч нь “...дүүтэйгээ хамт нөхрийг хайгаад “Био комбинат”-ын 52-р байрны хажууд ирсэн. Гэтэл дүү  улаан өнгийн футболктой залууг дагуулж ирээд гэрт нь хамт орж “Хараа” архи хувааж ууцгаасан. Би уугаагүй. Дахин нэг шилийг уусан. Эцэст нь дүү тэр залуутай маргаад намайг орхиод явсан. Намайг гарах гэтэл залуу араас татаж унагаасан. Чи ээж шигээ хүнийг яаж байгаа юм бэ гэхэд тэр залуу шал согтуу чамайг алсан ч яадаг юм гэж хэлээд миний дээр гарч суугаад хоёр гараа зангидаад нүүр рүү олон удаа цохисон. Босоод үснээс дээш татахад хөл газар хүрэхгүй унжсан. Шалан дээр унагаад хоёр гарыг хөлөөрөө хавчаад олон дахин маш хүчтэй цохисон. Би уйлж чи намайг аллаа шүү дээ гэхэд дээрээс боссон. Нэг мэдэхэд ухаан алдчихсан. Ухаан ороход өглөө болсон, нүцгэн цэнхэр өнгийн гудсан дээр хэвтэж байсан. Хувцсаа өмсөхөд зүүн талын өрөөсөн монетон ээмэг алга байхаар нь ээмэг яасан бэ гэхэд шалчийсан ээмэг гаргаж өгсөн. Миний баруун гарын ядам уруунд зүүсэн монетон бөгжийг “надад өгчих, дурсгачих” гээд булаагаад авсан. Тэгснээ ээмэгийг хүртэл аваад гараад явсан. Нилээд удсаны дараа орж ирээд бие засах өрөө рүү орж хахаж цацаад архи уугаад ахин согтоод орж ирээд намайг дарж унагасан.Тэгснээ бэлэг эрхтэн рүү гараа хийхээр нь чи настай хөгшин хүнийг боль, би үхлээ гэхэд гараа дээш нь татахад маш их өвдөж би орилсонд больсон. Дараа нь одоо яв, гэрийхэндээ шатнаас унасан гэж хэлээрэй гээд гэрээсээ түлхэж гаргаад хаалга хаасан” гэжээ. Аймшигтайгаар зодуулсан настай эмэгтэй таван давхраас доошоо буух гэж хоёр цаг болжээ. Гараад байрны гадаах муу усны таг дээр гурван цаг гаруй суусны дараа хүүхдүүд нь олж авсан гэнэ. Хохирогчийн хагалгаа таван цаг үргэлжилжээ.  Зүүн талын эрүүг хадаж, зүүн нүдний ухархайн яс үйрмэг болтлоо хугарсан байсанл ялтас тавьжээ. Зүрхний хэмнэл нь алдагдсан тул  удаан хугацааны эмчилгээ хийлгэж тархинд хурсан цусыг нь шимэлдүүлэх тариа хийж шимж авсан байна. Садист залуу эмэгтэйн ээмэг бөгжийг өөрийнхөө бичиг баримтаар ломбарданд 30 мянган төгрөгөөр тавьсан байсныг нь ээж нь авч хохирогчид өгчээ.


NUUTS.mn