Гишүүд Унгарт буюу туршлагагүй гишүүд туршлага “судалж” явна
.jpg)
МАН засгийн эрхэнд гарсанаас хойш УИХ-ын гишүүдийн гадаад томилолтын зардалд 3,5 тэрбумыг зарцуулсан гэсэн тооцоо гарсан. Гишүүдийн гадаад томилолтын зардал нь туршлага судлах гэнэ. Бид хамгийн чадалтай мэдэлтэй, ажил амьдрлын туршлагатай хэмээн сонгосон эрхмүүд маань амьдралд дөнгөж хөл тавьж байгаа 18-тай улаан нялзрайнуудаас дутахгүй хүмүүс байж таарчээ. Гэтэл тэдний нэр дэвшиж байхдаа тараасан анкетнаас нь харахад онолын мэдлэгтэй, доктор профессор цолтой, олон жил удирдах албан тушаал хашсан гээд бөөн мэдлэг туршлага л байсан. Гадаадад очиж туршлага судлах бус харин гадныхан ирж номын дуу сонсмоор л нөхдүүдийг бид толгой дээрээ залсан. Гэтэл тэд биднийг хуурсан байжээ. Нэгэнт төр барихдаа тулсан тул “туршлага” гэгчийг олж авахаар дөрвөн зүгт мордсон нь бидэндээ 3,5 тэрбумын хохирол учруулаад байна. Өдгөө тийм гишүүдийннэг хэсэг болох Б.Саранчимэг, Н.Амарзаяа, Н.Учрал, М.Оюунчимэг нар Унгарт туршлага судалж явна. Зарим нь үнэхээр туршлага “судлахаас” өөр аргагүй эрхмүүд аж. Н.Амарзаяад олон нийтийн газар буюу хурал чуулган дээр биеэ авч явах туршлага үнэхээр дутсан. Гэсэн ч зургаас харахад өөр тийшээ хараад туршлага судлах уулзалтандаа анхаарч байгаа шинж ер арга. М.Оюунчимэгт соёлтой газрын хоолны соёлоос хараад авахад илүүдэхгүй гээд... Н.Учралд насыг нь бодсон ч намтрыг нь харсан ч төрийн түшээгийн туршлага ус агаар шиг хэрэгтэй. Ийнхүү байгуулахад нэлээд хэцүү л баймаар Мэргэжлийн Засгийн газрыг маш түвэггүйхэн байгуулсан гишүүдэд өөрсдөд нь мэргэжлийн туршлага дутагдаад эхэлжээ. Олж харсан нь “сайн” байна. Гэхдээ хугацаат дөрвөн жилийнхээ хэдийг нь туршлага судлахад зарцуулах бол...
НУУЦ.мн
