Нууц мэдээллийн уурхай

МАН-ын гэх алдарт 60 тэрбум маягийн мөнгө босгох тогтолцоонд АН шилжжээ. Энэхүү жагсаалтаас намдаа хэдэн төгтөг тушаавал ямар зиндааны дарга болж болох боломжтойг харж болно. Ардын намнхан далд хийдэг бол АН ил хийдэг болсон мэт. Энэ олон хураамж дэнчингээс харахад мөнгөтэй хүн л дээшээ гарахаар байна. Харин мөнгөгүй нь босгоны цаана үлдэнэ. Өдгөө цагт мөнгөө төлсөн хүн хаан мэт аашилдаг. 90 сая төгрөгөө төлөөд нийслэлийн АН-н дарга болсон хүнийг хугацаанаас нь өмнө огцруулах ямар ч аргагүй...Хэрвээ огцруулах гэвэл мөнгөө нэхэх нь мэдээж. Түүнээс гадна сонгуулийн хураамжаа төлөөд оролцсон ч ялагдвал яах вэ гэдэг асуудал босож ирнэ. 90 сая төгрөгөө төлсөн хүн бас нэг 90 саяа төлчихсөн хүнийг ялах гэж болохоос болохгүйг нь хүртэл хийнэ. Энэ нь эргээд намын дотоод сонгууль дээд зэргийн бохир бульхайтай болох үүд хаалгыг нээж өгч байна. Хэн ч зүгээр харж сууж байгаад 90 саяа алдахыг хүсэхгүй нь ойлгомжтой. Ийнхүү нь АН-д мөнгөтэйнь  дээшээ гардаг тогтолцоо бүрджээ. Ардын нам удам дамжсан дарга нарын нам. Дарга нарых нь хүүхдүүд өдгөө бүгд дарга болцгоосон. Тэд аав нараа буухаар суудалд нь сууцгаана. Тэгвэл АН удам дамжсан баячуудын олигархиудын нам болох замдаа оржээ.

НУУЦ.мн