“Бизкон аудит”-ын Л.Отгонбаяр сонгуулиар намын нөхөддөө алдсан 7 сая төгрөгөө олж авах гэж зүдэрч явна
Нийтэлсэн: 2017-03-09 01:21:27
.jpg)
Он гарсаар хуулийн байгууллагаар шийдүүлж байсан сонгуультай холбоотой маргаанууд ил гарч эхэлжээ. Дарханд АН-ын Р.Бурмаа болон нэгэн бие даан нэр дэвшигчийн талынхан сурталчилгааны гэр барих газраа булаацалдан зодолдсон хэргийг шийдвэрлэсэн байна. Харин хотод Сонгинохайрхан дүүргийн 71-р тойрогт МАХН-аас нэр дэвшсэн "БИЗКОН АУДИТ" компаний захирал Л.Отгонбаяр нь сонгуулийн сурталчилгааны портерийн төлбөрт алдсан долоон сая төгрөгнийхөө хойноос хөөцөлдсөөр явна. Сонгуулийн үеэр хөдөлгөөнт сурталчилгааны портер машин ашиглахыг МАХН-ын дарга Энхбаяр батлаж зөвшөөрөөд штабдаа даалгажээ. Энэ ажлыг намын сонуулийн штабд ажиллаж байсан Баянжаргал, Чинбат нар хариуцсан байна. Ямар ч байсан даргын үүрэг ажил болох нь болж нэг портерийг намын гараашид улаан хувьсгалын улаан өнгөөр будаж янзалж байсан гэх ч дараа нь сураг алдарчээ. Харин тэр портерийг Л.Отгонбаяр авах гэж мөнгөө өгөөд алдсан аж. Баянжаргал, Чинбат нар нь нэр дэвшигчтэй хамтран ажиллахаар менежер нь гэж ойлгогдож байсан Батзаяатай амаар тохирч гэрээ байгуулсан гэнэ. Гэхдээ гэрээнд хэвлэлийн асуудал нь л хамрагдсан болохоос бүрэн тоноглосон портер гэх зүйл ороогүй болж таарчээ. Ерөөсөө нам дээр портероор сурталчилгаа хийнэ гэж яригдаагүй гэж зүтгэдэг. Гэрээнд заасны дагуу нэр дэвшигч мөнгөө шилжүүлэхэд Чинбат нь өөрийн ажлын хөлс гэх 2,5 сая төгрөгөө аваад үлдсэнийг нь Баяжаргалд өгсөн гэдэг. Нэр дэвшигч нь портерийн мөнгийг намаараа дамжуулалгүй өгөөд алдсан бололтой. Сонгуулийн сурталчилгаа эхлэхэд ирэх ёстой портер нь ирсэнгүй. Чинбат нь намын даргаа дагаад хөдөө явчихсан гэнэ. Нэр дэвшигчийн ажилтан Санчирмаа нь Баянжаргалаас портераа нэхэхэд удахгүй ирнэ гэсээр сурталчилгааны хугацаа дууссан байна. Ингээд л сонгуульд ялагдсан Хувьсгалт нам дээр бүрэн тоноглогдсон сурталчилгааны портер машины хэрүүл дэгдсэн нь одоо ч хуулийн байгууллага дээр өрнөж байна. Сонгуульд ялагдсан хүн бухимдалтай байх нь мэдээж. Хэрвээ портероор сурталчилгаа хийсэн бол ялах ч байсан байж магадгүй. Харин намын нөхөд нь бид ажлынхаа хөлсийг л авсан гээд халгаахгүй байгаа гэнэ
НУУЦ.мн
шуналтай хуурамч залуу